Сириската влада, соочена со најголемите немири во земјата во последните неколку децении, денеска поднесе оставка што шефот на државата, Башар Ал Асад ја прифати, јавува државната сириска телевизија.

Сириската влада, соочена со најголемите немири во земјата во последните неколку децении, денеска поднесе оставка што шефот на државата, Башар Ал Асад ја прифати, јавува државната сириска телевизија.Новата влада чиј состав ќе биде познат кон крајот на неделата ќе има задача да спроведе програмски реформи кои претседателот Ал Асад треба да ги објави во следните 24 часа.Меѓу реформите се очекува дека ќе биде и укинувањето на вонредната состојба и другите ограничувања на граѓанските слободи, либерализација на печатот и воведување политички плурализам, што беа и барања на демонстрантите.Во Сирија вонредната состојба е на сила од 1963 година. Повикот на побуна против власта беше упатен преку Фејсбук на 15 март во Дамаск, но центарот на демонстрациите се префрли кон југот на земјата.Од друга страна, сириските власти денеска мобилизираа стотина илјади приврзаници на Ал Асада кои излегоа на главниот плоштад во Дамаск носејќи национални знамиња и портрети на сирискиот претседател, како и транспаренти со натписот „Не за верскиот раздор“.Башар Ал Асад дојде на власт во 2000 година, кога го наследи својот татко, Хафез кој земјата ја водеше од 1970 година./крак/бе/бч