Свет
ОН ја потврди смртта на својот персонал во Авганистан

Обединетите нации ја потврдија смртта на своите осум припадници во градот Мазар-е-Шариф ,административниот центар на северната авганистанска провинција Балх, изјави во петокот за РИА Новости оретставникотна организацијата Фархан Хак.
Претходно денеска демонстрантите кои протестираа за спалувањето на на Куранот од страна во американска верска заедница минатиот месец, ја нападнаа зградата на Обединетите нации во градот Мазар-е-Шариф. Според полицијата во провинцијата Балх, како што пренесуваат BBC и AFP во нападот загинале осум странци од персоналот на светската организација и тројца Авганистанци, додека вкупно 12 лица се повредени. „Можеме да го потврдиме нападот врз мисијата на (ОН) во авганистанскиот град Мазар-и-Шариф, и исто така можеме да потврдиме дека како резултат на овој напад има жртви меѓу персоналот на ОН“, го цитира РИА Новости претставникот на организција Фархан Хак. „Ситуацијата е сосема нејасна и ние работиме да дознаеме и да им помогнеме на нашите соработници“, изјавил Хак додавајќи дека „специјалниот претставник на генералниот секретар на ОН, Стефан де Мистура допатувал во Мазар-е-Шариф да учествува во самостојната истрага на лице место“. Reuters, повикувајќи се на портпаролот на локалната полиција, пренесува дека двајца од убиените биле обезглавени. „Осум странци загинаа, а двајца од нив се обезглавени“, го цитира агенцијата својот соговорник. Американсиот пастор Тери Џонс запали копија на Коранот на 20-ти март во една црква во Флорида, во присуство на околу 50 луѓе. Во 2010 г., овој свештеник ја возбуди светската јавност исто так азаканувајќи се дека јавно ќе запали прикерот од светата книга на муслиманите на десет-годишнината од нападите од 11 септември 2000-та во САД и ги повика своите парохијани да го сторат истото. Неговите зборови предизвикаа силна реакција од целиот свет, а особено во исламските земји кои неговата изјава ја сметаа за објавување верска војна. Против налудничавиот план на пасторот Џонс тогаш реагираа многу светски лидери, познати поранешни и актуелни политичари, граѓански лидери и верски организации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Додик: Кога историјата се препишува, жртвите стануваат џелати, а ослободителите стануваат криминалци

Претседателот на Република Српска, Милорад Додик, изјави дека е горд на фактот што Српска денес стои рамо до рамо со Русија во борбата против заборавот, посочувајќи дека ревизионизмот не е само опасност за историјата, туку и опасност за сегашноста и иднината, бидејќи ако дозволиме вистината да се промени, што нè спречува повторно да станеме жртви.
Додик го кажа ова во колумна за бањалучкиот „Глас Српска“ по враќањето од Москва, каде што присуствуваше на парадата по повод Денот на победата над фашизмот, каде, како што истакнува, Република Српска е препознаена како горд, достоинствен, цврст и искрен меѓународен актер.
„И таму, на Црвениот плоштад, стоев рамо до рамо со оние кои знаат што значи да се бориш и да умреш за слобода“, изјави Додик, истакнувајќи дека Република Српска е пречекана во Москва како пријател, и дека е горд што е под нејзиното име и што Република Српска има свое место меѓу оние кои се бореле против фашизмот и кои денес стојат зад вистината.
„Советскиот Сојуз направи незамисливи жртви. Повеќе од 27 милиони луѓе загинаа за време на Втората светска војна. Да, 27 милиони. Тоа се повеќе жртви отколку Соединетите Американски Држави, Велика Британија и Франција заедно. Тоа е бројка што сведочи за тоа колку Русите ја платија цената за слободата на светот. Гледајќи ја парадата, се сетив на тие жртви. Се сетив дека без нив можеби немаше ни да постои денешна Европа, можеби немаше ни да постои слободата што ја земаме здраво за готово денес“, рече Додик.
„Двајца од тројцата најголеми светски лидери – Владимир Путин и кинескиот претседател покажаа дека се искрени пријатели на Република Српска. И во време кога светот минува низ големи промени, кои можат да се споредат само со оние по победата над нацизмот, Република Српска има пријатели на силни места. Пријатели кои знаат што значи да се бориш против хегемонијата, против препишувањето на историјата и вистината“, рече претседателот на Република Српска.
Ревизионизмот, истакнува тој, не е само опасност за историјата – тој е опасност за сегашноста и иднината.
„Затоа што ако дозволиме вистината да се промени, што нè спречува повторно да станеме жртви? Ако историјата се препишува, тогаш жртвите стануваат џелати, а ослободителите стануваат криминалци. Затоа денес, со ова искуство од Москва, велам: Нема да заборавиме. Нема да дозволиме да ни ја одземат вистината за нашата борба против фашизмот. Нема да заборавиме 27 милиони Руси и стотици илјади Срби кои ги дадоа своите животи за слобода“, изјави Додик.
Свет
Трамп: Сакам договор со Иран, но тие мора да престанат да го спонзорираат тероризмот

Претседателот на Соединетите Американски Држави, Доналд Трамп, изјави дека сака да постигне нов договор со Иран, но порача дека Техеран мора да престане да го спонзорира тероризмот и да се откаже од своите нуклеарни амбиции.
„Многу луѓе гледаат со завист“, им рече Трамп на лидерите на арапските земји собрани на регионалниот самит и додаде дека неверојатни договори се на дофат и дека Блискиот Исток денес е центар на светот на кој многумина му завидуваат, објави Скај њуз.
Критикувајќи ја претходната администрација, Трамп рече дека „(поранешниот американски претседател Џозеф) Бајден создаде хаос поради некомпетентност“.
Во својот говор, тој нагласи дека сака иднина на безбедност и достоинство за Палестинците, но предупреди дека тоа нема да биде можно ако лидерите во Газа продолжат по патот на насилството.
Трамп, исто така, изрази благодарност до земјите што помогнаа во ослободувањето на израелско-американскиот заложник Едан Александар и ја пофали улогата на арапските лидери во обидите за решавање на конфликтот во регионот.
Кога станува збор за Сирија, Трамп потврди дека САД ќе ги укинат сите санкции против таа земја, велејќи дека ова е шанса за развој и дека санкциите биле парализирачки и многу силни.
Тој, исто така, објави дека сака да ги нормализира односите со Дамаск.
Иранскиот заменик-министер за надворешни работи, Абас Аракчи, објави дека во петок ќе се сретне со европски дипломати во Истанбул на разговори за обновување на нуклеарниот договор од 2015 година.
Европските страни потписнички на договорот се Франција, Велика Британија и Германија.
Европа
Објавено кои санкции ги воведува ЕУ кон Русија: опфатени се и компании од Виетнам, Србија и од Турција за кои постои сомневање дека ја снабдуваат руската војска

Амбасадорите на земјите членки на ЕУ постигнаа договор за 17-тиот пакет-санкции против Русија, кој треба да го потврдат министрите за надворешни работи следната недела. Новиот пакет-санкции вклучува речиси 200 нови танкери од таканаречените флоти во сенка што Русија ги користи за да ги заобиколи санкциите.
Станува збор за стари, неосигурени бродови, кои користат разни трикови за да го скријат потеклото на нафтата што ја транспортираат, вклучително и испраќање фалсификувани податоци и исклучување на транспондерите. Се сомнева дека бродовите се користат и за саботажи на подморничката инфраструктура. Досега 153 вакви брода се санкционирани и им е забрането да се закотвуваат во европските пристаништа. Сега тој број се зголеми на речиси 350 брода.
30 компании се додадени на листата на санкции поради вмешаност во заобиколување на санкциите, особено кога станува збор за производи со двојна намена. Овие компании ќе се соочат со нови трговски ограничувања. Санкциите ќе ги опфатат и компаниите од земји како Виетнам, Србија и Турција за кои постои сомневање дека ја снабдуваат руската војска.
Додадени се уште 75 поединци и компании поврзани со воено-индустрискиот комплекс. Исто така, се забранува извоз на хемикалии од ЕУ што може да се користат за производство на ракети.
Заедно со овој пакет, ЕУ ѝ се закани на Русија со масовни санкции доколку одбие да го прифати предлогот за прекин на огнот од 30 дена, поддржан од САД.
Германскиот канцелар Фридрих Мерц ја предупреди Москва во вторникот дека ќе се соочи со дополнителни санкции доколку нема вистински напредок кон мир во Украина оваа недела. Мерц го покани рускиот претседател Владимир Путин да седне со украинскиот претседател Володимир Зеленски во Истанбул в четврток за да разговараат за прекин на огнот и евентуално мировно решение.