Лидерот на Националистичката партија на Перу, Оланта Умала и екс-министерот за економија Пабло Кусински, според официјалните податоци, добиле најголем број гласови меѓу кандидати на претседателските избори во неделата во Перу и ќе се натпреваруваат за највисоката функција во вториот кру

Лидерот на Националистичката партија на Перу, Оланта Умала и екс-министерот за економија Пабло Кусински, според официјалните податоци, добиле најголем број гласови меѓу кандидати на претседателските избори во неделата во Перу и ќе се натпреваруваат за највисоката функција во вториот круг, пренесува во понеделникот „Ројтерс“ (Reuters), цитирајќи ја Националната изборна комисија (ONPE). Според резултатите од преброени 43 отсто од гласачките ливчиња, Оланта Умала добил 27, додека Пабло Кусински  23,6 отсто од гласовите. На трето место е ќерката на поранешниот перуански претседател Алберто Фуџимори, Кеико Фуџимори со освоени 21,8 отсто од гласовите, којашто исто така според анкетите има шанси да влезе во вториот круг. Вториот круг од претседателските избори ќе  се одржи на 5-ти јуни. За да победи еден од кандидатите мора да добие 50 отсто плус еден глас од излезените гласачи. Избраниот претседател на државата ќе ја преземе функцијата на 28 јуни а неговиот мандат ќе трае до 2016 г. Во неделата дваесет милиони Перуанци со право на глас, покрај на претседателските, гласаа и за 130 места во Конгресот.И 48-годишниот Оланта Умала и 35-годишната Кеико Фуџимори во предизборната кампања ветуваа распределба на доходот од експлоатацијата на минералните богатства во полза на сиромашните (стапката на сиромаштија во Перу изнесува 35 проценти), подобрување на безбедноста, намалување на инфлацијата и обезбедување континуиран раст на економијата, која се смета за една од најбрзорастечките во светот. Умала на политичката сцена се појави во 2000 г. кога со неговиот брат водеше краткотраен бунт против тогашниот претседател Фуџимори поради корупција на системот. Од тогаш настојува да се дистанцира од своите радикални идеи и од неговиот тогашен политички идол венецуелскиот  претседател Уго Чавез. Умала на претходните претседателски избори во 2006 г., самоуверено влезе во вториот круг во кој загуби од актуелниот претседател Алан Гарсија. Умала својата популарност ја должи на националистичката, анти- империјалистичка и анти-американска реторика. Тој во предизборната кампања се претстави како левичар според урнекот на поранешниот бразилски претседател Луиш Инасио Лула да Силва, иако за повеќето избирачи останува тврдолинијаш со авторитарен стил кој го изгради како полковник во перуанската армија.Кеико Фуџимори, пак, ја има поддршката од симпатизерите на нејзиниот татко, кој успеа да стави крај на неконтролираниот тероризам во земјата, 72-годишниот екс-претседател Алберто Фуџимори кој сега сериозно е болен во затвор каде се наоѓа на издржување на 25-годишна затворска казна за кршење на човековите права во времето на пресметката со бунтовниците во 1990-те.Педро Пабло Кисински, Перуанците го викаат „Гринго“, бидејќи тој е дипломец на Оксфорд и Принстон, а долго време работел на Вол Стрит. Тој вети дека ќе се откаже од пасошот на САД ако победи на изборите. Зад него, како и зад Фуџимори и поранешниот премиер Алехандро Толедо, стојат бизнис круговите. Славниот перуански писател добитник на Нобеловата награда, Марио Варгас Љоса, кој на претседателските избори во 1990 г. загуби од таткото Фуџимори, смета дека ниту Кеико ниту Умала не се добро решение за Перу, сметајќи дека изборот на некој од нив „ќе претставува вистинска катастрофа за Перу“Предизборните анкети покажаа дека половината од избирачите имаат негативно мислење за Умала и Фуџимори, па делумно се остварија прогнозите на аналитичарите кои сметаа дека Кусински или Толедо може да направат изненадување со пласирање во вториот круг од претседателските избори./крај./ро/см