Свет
Евакуиран персоналот во Фукушима, пумпите работат нормално

Операторот на хаварисаната јапонска нуклеарна централа Фукушима, ТЕПКО, објави денеска дека по серијата силни земјотреси персоналот од нуклеарката е евакуиран, но дека пумпите во реакторите 1,2 и 3 работат без неправилности.
Операторот на хаварисаната јапонска нуклеарна централа Фукушима, ТЕПКО, објави денеска дека по серијата силни земјотреси персоналот од нуклеарката е евакуиран, но дека пумпите во реакторите 1,2 и 3 работат без неправилности. Денеска Јапонија ја погодија два земјотреси, еден со магнитуда од 6,3 степени во близина на брегот на префектурата Чиба на истокот на земјата и втор со магнитуда од 5,5 степени во префектурата Нагано во централниот дел од земјата. По првиот потрес во нуклеарката избувнал пожар кој веднаш бил изгаснат, по што ТЕПКО го евакуирал персоналот. Компанијата ја проверува состојбата во централата, но околностите се уште не се познати, соопшти портпаролот на компанијата. Американската Агенција за геолошки истражувања соопшти дека првиот потрес бил на длабочина од 33 километри, 112 километри јужно-југоисточно од Хоншу. По земјотресот привремено бил затворен аеродромот Нарита, пренесува агенцијата Кјодо њуз. Во Јапонија се забележани серија на земјотреси, откако земјата на 11 март ја погоди катастрофален земјотрес и цунами, билансот на жртвите досега изнесува речиси 28 илјадо лица. крај/х/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Почина „Мама Еразмус“, жената што ги промени животите на 16 милиони студенти

Италијанката Софија Коради, креаторката на образовната програма Еразмус што им овозможи на милиони млади луѓе да студираат во други европски земји, почина во Рим на 91-годишна возраст, објавија вчера италијанските медиуми.
Софија Коради, која подоцна ќе стане професорка на Универзитетот во Рим, како студентка доби престижна американска стипендија Фулбрајт, која ја однесе на Универзитетот Колумбија во Њујорк, каде што дипломирала право.
Таа предложи и започна програма за размена
Кога италијанскиот образовен систем не ја призна нејзината американска диплома по нејзиното враќање, таа предложи програма за размена, која на крајот ја започна на ниво на Европската унија во 1987 година.
Оттогаш, околу 16 милиони студенти учествувале во програмата, според веб-страницата на Еразмус.
Програмата, управувана од ЕУ, поттикнува поблиска соработка меѓу универзитетите и високообразовните институции низ цела Европа.
„Мама Еразмус“
Софија Коради, или „Мама Еразмус“ како што беше позната, рече дека идејата за програмата, родена за време на Студената војна, била нејзина „лична пацифистичка мисија“.
За италијанскиот министер за надворешни работи Антонио Тајани, кој ѝ го припишува „раѓањето на Генерацијата Европа“, таа „ги инспирирала животите на милиони млади луѓе кои патувале, студирале и прифаќале различни култури“.
Sofia Corradi ci ha lasciati.
Aveva sognato una gioventù europea che si incontrasse e si arricchisse delle proprie differenze. Milioni di studenti le devono un pezzo di vita e un orizzonte.
Omaggio alla Mamma Erasmus, il cui sogno continua a costruire la nostra Europa.
— Emmanuel Macron (@EmmanuelMacron) October 18, 2025
„Таа сонуваше за европска младина збогатена со нејзината разновидност. Милиони студенти ѝ ги должат своите хоризонти“, рече францускиот претседател Емануел Макрон на социјалната мрежа Икс.
Свет
Авганистан и Пакистан се согласија за прекин на огнот

Авганистан и Пакистан се согласија на моментален прекин на огнот на разговорите во Доха, соопшти Министерството за надворешни работи на Катар.
За време на разговорите што започнаа во саботата во Доха, „двете страни се согласија за моментален прекин на огнот и воспоставување механизми за консолидирање на траен мир и стабилност“, соопшти Министерството за надворешни работи на Катар во соопштение објавено на Икс.
Условите на договорот не беа откриени, но ќе следат состаноци меѓу авганистанските и пакистанските претставници за да се обезбеди неговото спроведување.
Пакистанскиот министер за одбрана, Хаваџа Асиф, подоцна потврди дека е постигнат договор за прекин на огнот и рече дека двете страни ќе се сретнат повторно во Истанбул на 25 октомври.
Преговорите беа водени со посредство на Катар и Турција.
фото: принтскрин
Свет
(Видео) Американците објавија снимка од нападот на Карибите; Пентагон: Транспортираа товар со дрога

Министерството за одбрана на САД објави снимка од напад со беспилотно летало извршен пред два дена врз полу-нурнат брод на картел во јужниот дел на Карибите, покрај брегот на Венецуела.
Според американските разузнавачки служби, бродот не бил вистинска подморница, како што претходно тврдеа некои официјални лица, туку полу-нурнат брод што се движел по позната шверцерска рута кон САД. Бродот, според Пентагон, носел голема количина нелегални дроги, вклучително и фентанил.
Двајца убиени, двајца приведени па ослободени
Двајца членови на нарко картелот беа убиени во нападот, додека двајца други преживеаа и подоцна беа спасени од американската морнарица, според Американците. Преживеаните ќе бидат вратени во нивните матични земји – Колумбија и Еквадор.
Американските претставници истакнуваат дека ваквите полу-нурнати бродови се повеќе се користат за шверц на дрога од Јужна Америка до Карибите и Мексиканскиот Залив, од каде што пратките потоа се префрлаат во САД.
фото: принтскрин