Свет
Зголемен песимизмот меѓу Американците

Песимизмот на Американците во врска со економијата и насоката во која се движи државата се најголеми од кога тече мандатот на претседателот Барак Обама
Ова се резултатите на анкетата објавена во весникот „Њујорк тајмс“ и на телевизијата „Си-Би-Ес“.Според истражувањето, бројот на оние кои што сметаат дека состојбата во економијата се влошиле пораснал за дури 13 отсто во споредба со истиот период лани.Дури 57 отсто од анкетираните не го одобруваат начинот на кој Обама и пристапува на економијата, што е најголем процент во неговиот мандат.Сличен е процентот на незадоволни граѓани од начинот на кој обама му пристапува на буџетскиот дефицит.Од друга страна, Обама има значително поддршка во неговата намера да го укине даночните овластување на оние, чии годишни примања се над 250.000 долари. Овој потег го поддржуваат 72 отсто од испитаниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Хуманитарен конвој од Египет се движи кон Појасот Газа

Конвој со хуманитарна помош тргна од Египет кон Појасот Газа по зголемениот меѓународен притисок и предупредувањата од голем број хуманитарни агенции дека масовното гладување се шири низ енклавата.
Израелската војска соопшти дека ќе обезбеди „хуманитарни коридори“ за безбедно поминување на конвоите на ОН што доставуваат помош до жителите на Газа и дека ќе воспостави „хуманитарни паузи“ во густо населените области.
Израел претходно продолжи да доставува помош по воздушен пат до Појасот Газа, што го потврдија и палестински извори.
Шефот на Светската здравствена организација (СЗО), Тедрос Аданом Гебрејесус, ја опиша кризата како „масовно гладување предизвикано од човечка активност“.
Повеќе од 125 луѓе починаа од неухранетост, вклучувајќи 85 деца, соопшти Министерството за здравство на Газа во саботата.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.