Учесник на анти-владините демонстрации е убиен во вторникот од снајперски истрел во градот Таиз во југо-западниот дел на Јемен, јави Reuters повикувајќи се на медицинските лица и очевидци.

Учесник на анти-владините демонстрации е убиен во вторникот од снајперски истрел во градот Таиз во југо-западниот дел на Јемен, јави Reuters повикувајќи се на медицинските лица и очевидци. „Една група  млади луѓе одржаа собир, кога снајперист отвори оган на нив, при што загина Абдула Мазен  а беа ранети десет луѓе“,  изјави за агенцијата претставникот на младинското движење Бушра ал-Мактар. Според очевидци, снајперски оган е отворан во демонстрантите од покривите на соседните куќи. Покрај тоа, според агенцијата, осум лица се повредени во градот Вајит ал-Факих во провинцијата Ходејида, кога припадници на силите за одржување на редот отвориле оган врз демонстрантите, кои извикувале слогани барајќи оставка на претседателот Салех. Немирите во Јемен продолжуваат, и покрај напорите од страна на арапските земји да и’ помогнат на земјата да ја надмине политичката криза и да се запре бранот насилство. Во понеделникот јеменската опозиција конечно го прифати прифатени предложениот од земјите Совет за соработка за земјите од Персискиот залив, план за трансфер на власта во земјата и соопшти дека е подготвена да учествува во формирањето преодна влада. Планот предвидува оставка на претседателот Али Абдула Салех во рок од 30 дена откако ќе се формира влада на национално единство. По назначувањето на владата, претседателот треба да ја предаде власта на заменик-претседателот,а опозицијата да ги прекине демонстрациите. Според арапската иницијатива, претседателот Салех, исто така, треба да добие имунитет од судско гонење. Противниците Салех бараа негово непосредно заминување од функцијата, иако неговиот мандат истекува на крајот од 2013 г. Претседателот Салех на 18-ти март објави воведување полициски час во земјата за период од 30 дена. Таа одлуката беше одобрена од страна на јеменскиот парламент. Објавувањето на вонредната состојба следеше еден ден откако западните медиуми објавија дека јеменските безбедносни сили стрелале врз анти-владините демонстранти во главниот град на Сана при што убија 40 лица, а околу 300 беа ранети. Јеменски претседател изрази жалење за загинувањето на цивилите, но ги негираше вината на припадниците на безбедносните структури на земјата.Протестите инспирирани од востанијата во Тунис и во Египет го доведоа до раб на пропаст 32-годишното владеење на актуелниот претседател Али Абдула Салех. Но, Салех во почетокот повика на прекин на насилствата, затоа што немал никаква намера да си поднесе оставка.Во Јемен од почеток во февруари продолжуваат анти-владините демонстрации, со кои се бара оставката на Салех, кој стана претседател на Северен Јемен во 1978 г. а по повторното обединување на Северен и Јужен Јемен во 1990 г., застана на чело на новоформираната унитарна Република Јемен./крај/ро/сн