Свет
Населението во Кина старее

Според последните податоци, во Кина живеат 1,34 милијарди луѓе, а половина од нив живеат во градовите. Кинеското население забрзано старее, половината од населението за прв пат во историјата живее во градовите, соопштија властите во Пекинг
Бројот млади луѓе во Кина се намалува, и сега оние кои се помлади од 16 години сочинуваат само 16,6 отсто од кинеската популација, што е за 6,3 отсто помалку од пописот во 2000 г. Од друга страна за три проценти порасна бројката на оние кои се постари од 60 години, во однос на претходниот попис нивната бројка изнесува 13,3 отсто. Според експертите најновите податоци ќе ја поттикнат расправата за понатамошно постоење на политиката за едно дете во семејството, која кинеската влада ја спроведува од осумдесеттите години на минатиот век. Забрзаното стареење го поттикнува стравот дали Кина, која моментно е втора најголема светска економија, ќе може да го издржи високиот економски раст и дали населението ќе остари пред Кина да дојде до релативно високиот приход по глава на жител, и дека товарот на издржување на се поголемата бројка на стари луѓе ќе паѓа на се помал број на млади и вработени луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.