Свет
Фатах и Хамас потпишаа договор за меѓу палестинско помирување

Претставниците на политичките сили во Палестина, во Каиро во вторникот потпишаа договор, јави дописникот на АФП
Согласноста за потпишување на договорот на претставници од главните меѓусебно завојувани палестински фракции – Фатах и Хамас – беше постигната на 27 април, кога исто така во египетската престолнина Каиро, со посредство на тамошните власти се водеа преговорите за меѓу-палестинско помирување. Притоа двете страни го парафираа документот за спроведување избори и формирање палестинска влада на национално единство. Во вторникот на церемонијата на потпишување на помирувањето присуствуваа, покрај функционери на Фатах и Хамас, и претставници на 11 други политички движења и фракции од Палестина. Нема информации дали на настанот присуствувале претседателот на Палестинската автономија Махмуд Абас и претстедателот на политбирото на Хамас, Калед Маашал. Претходно, АФП повикувајќи се на претставникот на Фатах, Азам ал-Ахмад, јави дека двајцата високи политичари имале намера да учествуваат на потпишувањето. Абас и Мешаал немаа меѓусебни контакти речиси четири години, откако беше извршен вооружен воен удар од страна на Хамас во појасот Газа, во средината на 2007 г. кога беа протерани сите високи функционери на Фатах.Набргу по парафирање на документот за примирје, Абас изјави дека единствената палестинска влада, чиешто формирање го претпоставува договорот, ќе биде составена од независни технократи и првенствено ќе има функција во подготовка на идните избори и реставрација на појасот Газа. Идниот „кабинет на единството“, според Абас, нема да интервенира во политичкиот договор со Израел. Абас уверува дека дури и по надминувањето на меѓусебните расправии, мировниот процес ќе остане приоритет и привилегија на Палестинската ослободителна организација (ПЛО), која е доминирана од Фатах и ужива меѓународен легитимитет и нема претставници од исламистите на Хамас. Во своите осврнување, со критика за проектот за меѓу-палестинско помирување, истапија лидерите на Израел, кои инсистираат на бојкот на Хамас. Според израелскиот премиер Бенјамин Нетанјаху, постигнувањето примирје ќе го лиши Палестинците од можности за дијалог и соработка со Израел. Израелскиот министер за одбрана Ехуд Барак, во радио интервју како еден од главните главните услови за признавањето од страна на Израел на идната обединета палестинска влада го наведе „уништувањето на инфраструктурата на теророт“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп разреши членка на одборот на Федералните резерви

Претседателот на САД, Доналд Трамп, објави дека ја разрешил членката на одборот на Федералните резерви, Лиза Кук, од функцијата, наведувајќи наводни неправилности поврзани со хипотекарните кредити.
Во писмо до Кук, кое го сподели на неговата мрежа Truth Social, Трамп напиша дека има „доволно причини да се верува“ дека гувернерката дала лажни изјави. Во 2021 година, Кук на документите за одделни хипотекарни кредити за имоти во Мичиген и Џорџија наведе дека и двете биле нејзини примарни резиденции.
Тој се повикува на закон од 1913 година. Според американскиот закон, претседателот може да ги разреши гувернерите на Федералните резерви само од основана причина, што ја зголемува можноста одлуката на Трамп да биде предмет на правни оспорувања. Трамп ги сигнализираше своите намери неколку дена претходно, велејќи им на новинарите: „Ќе ја отпуштам ако не поднесе оставка“.
Во писмото, Трамп ја обвини Кук за „измамничко и криминално однесување во финансиски прашања“ и нагласи дека нема доверба во нејзиниот „интегритет“.
„Најмалку, спорното однесување покажува еден вид небрежност во финансиските трансакции што ја доведува во прашање вашата компетентност и доверливост како финансиски регулатор“, рече тој, додавајќи дека имал овластување да ја отпушти Кук според Уставот на САД и Законот за Федералните резерви од 1913 година.
Кук одговори неколку часа подоцна во изјава испратена по е-пошта до новинарите, велејќи дека Трамп нема законски основи и овластување да ја отстрани од работното место на кое беше назначена во 2022 година од поранешниот американски претседател Џо Бајден.
„Ќе продолжам да ги извршувам моите должности за да ѝ помогнам на американската економија“, објави таа. Таа потврди дека ќе ја оспори одлуката на Трамп.
Трамп со месеци врши притисок врз Федералните резерви да ги намалат каматните стапки, барање кое централната банка не го исполни бидејќи креаторите на политиките остануваат загрижени за инфлацијата, делумно поттикната од увозните тарифи на Трамп.
Претходните повици на Трамп до претседателот на Федералните резерви, Џером Пауел, да поднесе оставка беа неуспешни.
Кук, економистка, се приклучи на одборот на гувернери на Федералните резерви во мај 2022 година. Нејзиниот мандат требаше да трае до 31 јануари 2038 година. Пред нејзиното назначување, таа беше професорка по економија и меѓународни односи на Државниот универзитет во Мичиген.
Свет
Русија сака да се повлече од конвенцијата за забрана на тортура

Рускиот премиер Михаил Мишустин вчера потпиша резолуција со која бара Москва да се повлече од Европската конвенција за спречување на тортура, пишува Kyiv Independent.
Иако Русија формално останува потписник на конвенцијата, воените злосторства и тортурата на Русија врз украински цивили и војници се документирани постојано, додава Kyiv Independent.
Резолуцијата го повикува рускиот претседател Владимир Путин да ја повлече Русија од деценискиот договор.
„До претседателот на Руската Федерација се поднесува предлог за раскинување на Европската конвенција за спречување на тортура и нечовечко или понижувачко постапување или казнување“, се наведува во текстот на резолуцијата.
Дејствијата на Русија на окупираните украински територии дополнително го потврдуваат нејзиното непочитување на меѓународните механизми за заштита, според украинските медиуми.
Свет
Австралија: Иран нарача најмалку два антисемитски напади во нашата земја

Австралија денес објави дека ќе го протера амбасадорот на Иран во Канбера, а премиерот Ентони Албанезе го обвини Техеран за извршување на два антисемитски напади во клучните градови Сиднеј и Мелбурн.
Од почетокот на војната меѓу Израел и Газа во октомври 2023 година, австралиските домови, училишта, синагоги и возила беа цел на антисемитски вандализам и палење, пишува „Ројтерс“.
„Австралиската безбедносна агенција собра веродостојни разузнавачки информации дека иранската влада наредила најмалку два напади“, изјави Албанезе на прес-конференција.
„Иран се обиде да го прикрие своето учество, но ASIO верува дека стои зад нападите врз „Луис Континентал Кујн“ во Сиднеј на 20 октомври минатата година и синагогата Адас Израел во Мелбурн на 6 декември“.
Австралиската безбедносно-разузнавачка организација додаде дека е веројатно дека Иран наредил дополнителни напади.
„Ова беа вонредни и опасни акти на агресија оркестрирани од странска држава на австралиска почва“, рече Албанезе. „Ова беа обиди за поткопување на социјалната кохезија и сеење раздор во нашата заедница“.
„Австралија ја суспендираше својата амбасада во Техеран и сите дипломати се безбедни во трета земја“, рече Албанезе, додавајќи дека неговата влада ќе ја прогласи Иранската револуционерна гарда за терористичка организација.