Свет
Најден бележникот на бин Ладен

Американските разузнавачки служби го проучуваат дневникот на Осама бин Ладен кој бил најден во неговата куќа во акцијата на американските маринци кога беше ликвидиран водачот на терористичката мрежа Ал Каеда.
Американските разузнавачки служби го проучуваат дневникот на Осама бин Ладен кој бил најден во неговата куќа во акцијата на американските маринци кога беше ликвидиран водачот на терористичката мрежа Ал Каеда. Според АФП, во белешките биле наведени планови за идни терористички акции . Меѓу материјалите запленети во акцијата од 2-ри мај во Пакистан, се наоѓа и „книшка во која бин Ладен ги бележел идеите за акции“, изјавил извор кој сакал да остане анонимен. Тој додал дека не станува збор за дневник на лични мислења или емоции, туку за идеи на бин Ладен.Како што пишува утрово британски „Гвардијан“, во американската операција за ликвидација на Осама бин Ладен биле запленети пет компјутери, хард дискови, стотина мемориски картички, ДВД дискети и материјал за снимања..Тон Донилон, советник за национална безбедност на американскиот претседател Барак Обама, претходно седмицава рече дека материјалот запленет во акцијата одговара на библиотека на помал универзитет.Британскиот дневен весник, повикувајќи се на откриените белешки, вели дека водачот на глобалната терористичка мрежа правел пресметки колку американски жртви ќе бидат потребни за да се принудат САД да се повлечат од Блискиот Исток. Водачот на Ал Каеда бил убеден дека само масовно крвопролевање како она од 11-ти септември 2001 година може да биде „шокирачки фактор“ кој ќе има ефект на промена во американската политика во регионот.Бин Ладен на своите соработници им советувал дека мал број помали напади нема да го имаат посакуваниот ефект. Ова морбидно сценарио на бин Ладен за уште едно масовно злосторство, е наводно пронајдено во големо складиште со негови забелешки откриено во неговото скривалиште во Пакистан./крај/афп/гв/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Рубио за Путин: Трамп нема да чека вечно

Американскиот државен секретар Марко Рубио изјави дека администрацијата на претседателот на Соединетите Американски Држави, Доналд Трамп, го губи трпението со рускиот претседател, Владимир Путин, во врска со завршувањето на војната во Украина.
„Она што најмногу го мачи претседателот се овие одлични телефонски разговори каде што сите велат, знаете, би сакале да завршиме со ова и да најдеме начин да продолжиме напред. Потоа тој ги вклучува вестите и гледа како уште еден град е бомбардиран“, изјави Рубио за „Фокс њуз“.
Тој додаде дека САД истражуваат нови начини за постигнување напредок во мировните преговори, но предупреди дека трпението на Трамп „истекува“.
„Досега, барем како што го перцепираме, немаше искрен интерес од руска страна за постигнување на таа цел. Но, очигледно е дека претседателот нема да чека вечно“, заклучи Рубио.
Во вторникот, Трамп му даде на Путин 10 дена да се согласи на договор за прекин на огнот или ќе се соочи со нови, сурови санкции.
Фото: принтскрин
Свет
Дали се укинува сезонското поместување на часовникот- рестартиран процесот во ЕУ

Европската комисија објави дека ќе почне нова анализа во врска со укинувањето на сезонското поместување на времето, што претставува прв институционален чекор на оваа тема од 2019 година.
Оваа одлука е донесена на иницијатива на Полска, која моментно претседава со Советот на ЕУ, и на барање на одделни членови кои сакаат дополнително разгледување на оваа тема. Со ова се рестартира процес што е застојан со години, пренесуваат медиумите во регионот.
Како одговор на пратеничко прашање, европскиот комесар Апостолос Цикикостас рече дека Комисијата активно соработува со претседателствата на Советот и со земјите членки со цел да се разгледаат следните чекори, објавува N1.
„Комисијата на ЕУ одлучи да одговори на поканата на една членка и да спроведе дополнителна анализа. Според тоа, се очекува студијата да почне во 2025 година“, изјави Цицикостас во писмен одговор.
Уште во 2019 година Европскиот парламент усвои предлог за укинување на практиката на поместување на часовникот двапати годишно, но законот не стапи во сила бидејќи не беше постигнат договор меѓу членовите. Главното прашање останува – дали трајно да се остане на зимско или на летно сметање на времето.
Студијата што ќе се спроведе треба да ги испита сите последици и изводливоста на секоја промена. Нејзините резултати би можеле да влијаат на продолжувањето на законодавниот процес, а прелиминарните наоди се очекуваат најрано во 2026 година.
Свет
(Видео) Наезда од скакулци во Украина: „Последица на војната“

Наезда од скакулци ја уништува јужна и источна Украина загрозувајќи ги посевите во регионите Запорожје, Днепар, Херсон и Одеса.
Експертите го поврзуваат ова со климатските промени и катастрофата на браната „Каховка“.
A locust outbreak is sweeping through southern and eastern Ukraine, threatening crops in Zaporizhzhia, Dnipro, Kherson, and Odesa regions. Experts link it to climate change and the Kakhovka dam disaster.
🎥 Watch more in the NV video below pic.twitter.com/3PDJcVRsha
— The New Voice of Ukraine (@NewVoiceUkraine) July 28, 2025
Висок украински функционер за масовната појава на скакулци ја обвинува руската инвазија. Во разговор за украински новински портал, Вадим Чајковски, заменик-директор на Државната служба за безбедност на храната и заштита на потрошувачите, истакна дека скакулците станаа значаен проблем во областите погодени од војната во Украина од почетокот на руската агресија во 2022 година.
„Ова е последица на војната“, нагласи Чајковски. „Напуштените земјишта по линијата на фронтот и уништувањето на хидроцентралата ‘Каховка’ создадоа идеални услови за нивно размножување“, рече тој.
Чајковски го издвои резервоарот „Каховка“ како извор на наезда од скакулци. Во 2023 година руските сили срушија брана, што доведе до сушење на резервоарот и создавање соодветно живеалиште за овие инсекти. „Сакам да нагласам дека рускиот екоцид е главната причина за оваа инвазија“, додаде Чајковски. „Намалувањето на коритото на реката Днепар во јужните региони создаде идеални живеалишта за скакулци, речни брегови и напуштени области. Изобилството на такво земјиште, особено минираните области, им оневозможува на цивилите да се борат против овие штетници“, додаде тој.
Фото: принтскрин