Свет
НАТО пак го бомбардираше Триполи, шест лица загинати

Авионите на НАТО денеска извршиле уште еден напад во областа Баб ал-Азизија во Триполи, каде што е резиденцијата на либискиот лидер Моамер ел-Гадафи, при што загинаа шест лица, пренесува АФП повикувајќи се на претставник на либиската влада.
Авионите на НАТО денеска извршиле уште еден напад во областа Баб ал-Азизија во Триполи, каде што е резиденцијата на либискиот лидер Моамер ел-Гадафи, при што загинаа шест лица, пренесува АФП повикувајќи се на претставник на либиската влада. „Три лица загинаа тука, во Баб ал-Азизија, уште три на друго место. Десет лица беа повредени“, изјавил изворот на агенцијата покажувајчи на вреќи со песок расфрлани околу кратер во една улица во областа Баб ал-Азизија.Претходно, воените команданти на НАТО повторија дека не се стремат кон физичко уништување на Моамер ел-Гадафи. Меѓутоа, најзабележителен резултат од бомбардирањето на неговата резиденција во Баб ал-Азизија има вечерта на 1 мај по што либиската влада соопшти дека во воздушниот напад бил убиен помалиот син на Гадафи, 29-годишниот Саиф ал-Араб, како и три внуци на шефот на државата како и неколкумина негови пријатели и соседи. Либискиот лидер и неговата сопруга останаа неповредени. Прес-службата на НАТО денеска соопшти дека сојузничките авиони кои учествуваат во операцијата „Обединет бранител“ во Либија вчера извршиле 141 полетување, од кои 46 биле борбени летови, при што уништиле седум противавионски лансери на проектили, четири магацини за муниција и четири командно- контролни пунктови на либиската армија.Од 31 март, кога операцијата беше преземена под команда на НАТО , вкупно се изведени 6.232 летови, од кои 2.460 биле борбени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Орбан: Го почитувам Зеленски, но мислам дека направи грешки

Унгарскиот премиер Виктор Орбан во интервју за полскиот телевизиски канал wPolsce24 изјави дека се обидува да се однесува со почит кон украинскиот претседател Володимир Зеленски.
Орбан го нарече конфликтот во Украина „војна меѓу Западот и Русија“. Тој верува дека војната нема да заврши без средба меѓу лидерите на двете спротивставени страни, американскиот претседател Доналд Трамп и рускиот претседател Владимир Путин.
Тој нагласи дека се води од принципот на почит во меѓународните односи, кој важи и за Украина и украинскиот претседател Володимир Зеленски.
„Украинците го избраа. Секогаш се обидувам да се однесувам правилно, што е неопходно ако сакате да имате добри односи со некого. Затоа го почитувам претседателот Зеленски, но мислам дека направи грешки“, додаде унгарскиот премиер.
Тој тврди дека една од тие грешки била отфрлањето на неговата понуда за мир минатата година.
„Зеленски потоа го отфрли моето мислење дека времето е на страната на Русија, но денес го имаме она што го имаме. Ситуацијата на претседателот Зеленски не е лесна. Многу е тешко да се обединат луѓето во безнадежна војна“, тврдеше Орбан.
Односите меѓу Киев и Будимпешта се напнати во последните месеци. Унгарија го блокира почетокот на преговорите за пристапување на Украина во Европската Унија. Покрај тоа, новиот нацрт-буџет на ЕУ предизвика негодување во Унгарија. Главниот проблем за Унгарците е што буџетот вклучува над 100 милијарди евра за Украина.
Свет
Канада најави дека ќе ја признае Палестина

Канада има намера да ја признае палестинска држава на состанокот на Обединетите нации во септември, изјави вчера премиерот Марк Карни, зголемувајќи го притисокот врз израелската влада на премиерот Бенјамин Нетанјаху, додека хуманитарната криза во Газа се влошува.
Карни им рече на новинарите дека планираниот потег се базира на посветеноста на Палестинската самоуправа да спроведе реформи, вклучително и сеопфатни промени во управувањето и одржување општи избори во 2026 година во кои Хамас „не може да има никаква улога“.
Канада долго време тврдеше дека ќе ја признае палестинската држава само по завршувањето на мировните преговори со Израел. Но, Карни рече дека реалноста на терен, вклучително и гладот на граѓаните во Газа, значи дека „перспективата за палестинска држава буквално исчезнува пред нашите очи“.
Објавата дојде откако Франција минатата недела објави дека ќе признае палестинска држава и еден ден откако Велика Британија изјави дека ќе го стори истото на Генералното собрание на Обединетите нации доколку борбите во Газа, дел од палестинските територии под израелска окупација, не завршат дотогаш.
Свет
(Видео) Камења паѓаат, животни бегаат во водата: блогер објави видео во моментот на разорниот земјотрес

Додека разорниот земјотрес со магнитуда од 8,8 степени ја погоди Камчатка, туристот и блогер Иван Герасименко се најде на експедициски брод во непосредна близина на епицентарот. Според него, сè се случило ненадејно и драматично – масивни камења почнале да паѓаат од стрмните карпи, а животните реагирале во паника.
„Земјотресот ме затекна во близина на островот Парамушир додека пловевме по малиот остров Анциферов на експедициски бродови од типот Зодијак“, напиша Герасименко на социјалните мрежи, а објави и видео снимено во тој момент.
Според неговиот опис, масивните камења почнале да се кршат и да паѓаат во морето, предизвикувајќи општа паника кај екипажот, патниците, па дури и кај животните во областа.
„Камењата летаа со таков шум што дури и морските лавови скокнаа во водата и долго време кружеа околу Охотското Море од страв“, напиша тој, пренесува Dnevnik.hr.
Блогерот истакна дека сите патници биле потресени.
Епицентарот на земјотресот се наоѓал на околу 150 километри од местото каде што се наоѓал бродот во моментот на ударот.
Фото: принтскрин