Свет
Фејсбук ангажирал ПР агенција да шири лаги за Гугл

Компанијата Фејсбук ангажирала една од најдобрите светски компании за односи со јавноста за да шири дезинформации за интернет гигантот Гугл и во јавноста да пласира информации дека Гугл ја нарушува приватноста на своите корисници.
Компанијата Фејсбук ангажирала една од најдобрите светски компании за односи со јавноста за да шири дезинформации за интернет гигантот Гугл и во јавноста да пласира информации дека Гугл ја нарушува приватноста на своите корисници. Како што пишуваат денеска американските медиуми, Фејсбук признал дека ја најмиле ПР агенцијата Бурсон-Марстелер да пласира лаги за Гугл. Првите луѓе на ПР компанијата му понудиле на блогерот Кристофер Согхоиан, кој пишува блогови за безбедноста на интернет, добро да ги проучи правилата за безбедност на Гугл, а за возврат му ветиле објавување на неговите текстови на највлијателните веб страници како што се Хафингтон пост и Вашингтон пост. На блогерот му е понудена помош и при пишувањето на текстовите, па во еден имејл било напишано дека „американскиот народ мора да биде свесен дека Гугл продира длабоко во нивната приватност и тоа без никаква дозвола“. Но, мрежата паднала кога Согхоиан ја одбил понудата и целата преписка јавно ја објавил. Одговорните од компанијата Фејсбук признале дека ангажирале ПР агенција, но дека за тоа имале две големи причини:прво, поради тоа што веруваат дека Гугл прави некои работи внатре во социјалните мрежи и со тоа ја нарушува приватноста на корисниците и второ, што Фејсбук упорно се обидува да го спречи Гугл да ги користи податоците на корисниците на Фејсбук. Ривалството меѓу Фејсбук и Гугл трае веќе подолго време. Во моментот двете компании се натпреваруваат кој да земе поголем удел на пазарот. /крај/сар/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Стаб: Само притисок може да ја принуди Русија да преговара

Финскиот претседател Александар Стаб изјави дека е потребно да се изврши силен притисок врз Русија за да се постигне напредок во наоѓањето мирно решение за конфликтот во Украина.
По телефонскиот разговор со украинскиот претседател Володимир Зеленски, Стаб напиша на социјалната мрежа X дека „се спроведува планот за сигурна поддршка на безбедноста на Украина“ нагласувајќи дека Киев е подготвен за мир, а „Русија само чека време“.
„Мора да извршиме притисок врз Русија да седне на преговарачка маса“, рече финскиот претседател додавајќи дека Хелсинки, заедно со своите партнери, ќе продолжи да се стреми кон „праведен мир за Украина“.
Еден ден претходно Стаб истакна дека рускиот претседател Владимир Путин не може да биде убеден во мирот преку Западот, туку преку влијанието на земјите од Истокот, кои одржуваат трговски врски со Москва. Затоа предложи воведување тарифи против земјите што ја продолжуваат економската соработка со Русија.
Финскиот претседател исто така изрази надеж дека „трпението на американскиот претседател Доналд Трамп со Москва набргу ќе истече“ нагласувајќи дека само нови санкции и царини може да ја принудат Русија да го прекине конфликтот.
Фото: принтскрин
Европа
(Видео) Украинци: Експлодира главниот нафтовод што ја снабдува Москва

Главниот нафтовод што испорачува нафтени деривати во Москва експлодира во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот „Рјазан-Москва“, еден од главните правци за снабдување на руската престолнина со нафтени производи.
Според извори на ДИУ, откога локалните канали на „Телеграм“ во Рјазан пријавија гласна експлозија на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави „Укринформ“.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан работејќи на отстранување на последиците од експлозијата и пожарот.
Според украинските медиуми, од 2018 година овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин
Свет
Данска го повика на разговор американскиот амбасадор по извештајот за спроведувањето на операцијата за влијание во Гренланд

Министерот за надворешни работи на Данска го повика на разговори највисокиот американски дипломат во земјата откога главниот радиодифузер на земјата објави во средата дека најмалку три лица поврзани со американскиот претседател Доналд Трамп спроведуваат тајни операции за влијание на Гренланд.
Јавниот радиодифузер DR објави во средата дека владини и безбедносни извори, кои не ги именува, како и неидентификувани извори на Гренланд и САД, веруваат дека најмалку тројца Американци поврзани со Трамп спроведуваат тајни операции за влијание на таа територија.
Се вели дека нивната приказна се базира на информации од вкупно осум извори, кои веруваат дека целта е да се ослабат односите со Данска од самото гренландско општество.
Данската телевизија објави дека не може да разјасни дали Американците работеле по сопствена иницијатива или по наредба на некој друг.
„Свесни сме дека странските актери продолжуваат да покажуваат интерес за Гренланд и неговата позиција во Кралството Данска“, рече данскиот министер за надворешни работи, Ларс Локе Расмусен.
Тој го изјави ова во соопштение испратено од неговото министерство по е-пошта.
„Затоа, не е изненадувачки ако во иднина доживееме надворешни обиди да влијаат врз иднината на Кралството. Секој обид за мешање во внатрешните работи на Кралството, секако, ќе биде неприфатлив“, рече Расмусен.
„Во таа насока го замолив Министерството за надворешни работи да го покани вршителот на должноста амбасадор на САД на состанок во Министерството“, рече министерот.
Тој додаде дека соработката меѓу владите на Данска и Гренланд е „тесна и заснована на меѓусебна доверба“.
Фото: принтскрин