Свет
Стос-Кан денеска ќе се изјасни за обвинението пред судот во Њујорк

Директорот на меѓународниот монетарен фонд(ММФ) Доминик Штраус-Кан денеска попладне ќе се појави пред судот во Њујорк за да се изјасни по обвинувањата за сексуален напад, обид за силување и незаконско затворање на собарка од хотелот „Siftel“, пренесуваат светските агенции
Извршниот директор на ММФ, Доминик Строс-Кан првично по обвинението требаше да се изјасни вчера, но тоа беше одложено поради медицинските прегледи, соопшти неговиот адвокат.„Мојот клиент доброволно се согласи на форензички преглед на барање на владата“, рече Вилијам Тејлор, притоа додавајќи дека неговиот клиент има намера на судот да се изјасни како невин.Полицијата соопшти дека побарала судски налог за да може преку прегледот да се најдат траги од гребаници или отпор на силување на телото на Строс-Кан.Кан нема дипломатски имунитет и доколку се утврди дека е виновен, може да заработи затворска казна од 15 до 20 години.Обвинителите го товарат Доминик Строс-Кан за „обид за силување, незаконски сексуален чин, незаконско лишување од слобода…“, се вели во информацијата.Уште пред да бидат објавени официјалните обвиненија, адвокатот на Строс-Кан, Бенџамин Брафмен, изјави дека неговиот клиент не се чувствува виновен.Шеесет идве-годишниот Строс-Кан кој беше француски министер за финансии од 1997 до 1999 г., еден од можните кандидати за претседател на Франција, беше уапсен во авион на француската авиокомпанија „Ер Франс“, десет минути пред да полета за Париз, по пријава и сомневање дека извршил малтретирање од сексуална природа против вработена собарка во еден хотел на њујоршки „Тајмс Сквер“.Во 2008 година, Меѓународниот монетарен фонд спроведе истрага против Строс-Кан, кој беше осомничен за злоупотреба на својата позиција за лична полза. Причината за истрагата беа настаните од декември 2007 година, кога Строс-Кан имал преписка по електронска пошта со една од офицерките на фондот, изразувајќи желба нивниот однос да биде поинтимен. Подоцна овие електронски пораки ги видел нејзиниот сопруг, кој исто така работел во ММФ.По истрагата ММФ изрази жалење во врска со случајот меѓу Строс-Кан и неговата колешка, нарекувајќи го инцидентот „сериозна грешка“, но сепак одлучи да го задржи како претседател на фондот.Строс-Кан, еден од можните кандидати за претседател на Франција, според весникот The New York times, агенти во цивилна облека го уапсиле во авион на „Ер Франс“, десет минути пред да полета за Париз.Строс-Кан, една од најпопуларните личности во Франција, член на опозициската Социјалистичка партија, веќе една седмица е под опсервација на медиумите. Во почетокот на мај, весниците објавија фотографија на која е првиот човек на ММФ со скап автомобил „порше“. Во четвртокот, медиумите почнаа да пишуваат за неговото „погрешно“ однесување, предупредивајќи на можен пад на неговата популарност.Пред два дена, Agence France-Presse објави дека Строс-Кан има намера да го тужи весникот France-Soir, нарекувајќи ги лажни информации дека тој шие костуми кај шивачот на американскиот претседател. Според оваа информација, шефот на ММФ ги користи услугите на шивач во Вашингтон, познат како Жорж од Париз (Georges de Paris). Меѓу неговите клиенти е и американскиот претседател, Барак Обама, а костумите чинат од седум до 35 илјади евра.Во прилог на информации за скапиот автомобил и услугите на претседателскиот шивач, медиумите пишуваат и за скапиоте елитен недвижен имот, која наводно му припаѓа на претседателот на ММФ. Според нив, брачната двојка Строс-Кан има шестособен апартман во 16-ти арондисман на Париз, еден стан од 240 квадратни метри на елитниот плоштад „де Воге“ во центарот на главниот град, дом со површина од 380 квадратни метри во Вашингтон и недвижен имот во Маракеш (Мароко).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Фото+видео) Опасна бура во Словенија: паѓаше град со големина на јајце, издадено портокалово предупредување

Словенија е погодена од силни бури придружени со силни налети на ветер, поројни дождови и град.
Сообраќајот во земјата е забавен, а Агенцијата за заштита на животната средина издаде портокалово предупредување за целата територија.
Од агенцијата посочуваат дека поради дождот може да дојде до задржување на вода и зголемување на реките.
На објавите на социјалните мрежи се гледа дека паѓал град со големина на јајце.
Според објавите и коментарите, најлошото било околу Шемпетер во долината Савиња.
Како што јавува ТВ Словенија, во текот на вечерта бурата постепено ќе ослабне , најдоцна на истокот од земјата.
Бура пристигнува и во Хрватска
Силна бурна ќелија, која пристигна преку брегот од Италија, се движи кон внатрешноста на Хрватска, придружена со врнежи од дожд, силни налети на ветер и локален град.
Водна пијавица е снимена над морето во близина на Умаг. Се очекува активноста на бурата дополнително да се интензивира во наредните часови.
Управата за заштита на животната средина издаде портокалова тревога за регионите Риека, Карловац и Загреб поради локално можни грмотевици со привремено силни до бурони ветрови, а можна е и појава на град.
Свет
Изнајмувач на Airbnb со вештачка интелигенција креирал штети во станот и барал 12.000 фунти отштета од станарката

Жена од Лондон добила извинување и поврат на средства од речиси 4.300 фунти од компанијата Airbnb, откако домаќин во Њујорк лажно ја обвинил дека предизвикала штета од над 12.000 фунти, пренесува Гардијан. Тој приложил фотографии како наводен доказ, кои, според жената, биле создадени со вештачка интелигенција.
Жената го резервирала еднособниот стан на Менхетен во Њујорк за два и пол месеци за да остане во него додека студира, но решила да замине порано бидејќи се чувствувала небезбедно во областа.
Кратко по нејзиното заминување, домаќинот поднел жалба до Airbnb, тврдејќи дека направила штета во вредност од над 12.000 фунти. Навел дека искршила масичка за кафе, душекот го извалкала со урина, оштетила робот правосмукалка, софа, микробранова печка, телевизор и клима-уред. Притоа, приложил и фотографии.
Airbnb ѝ соопштил дека, „по внимателен преглед на фотографиите“, треба да му плати 5.314 фунти на домаќинот. Таа поднела жалба и истакнала дека има очевидец, кој може да потврди дека станот бил оставен во уредна состојба. Дополнително, укажала на јасни визуелни несогласувања во фотографиите, што, според неа, укажувало на дигитална манипулација или употреба на вештачка интелигенција, пишува Гардијан.
„Такви несогласувања не се можни на автентични фотографии од ист објект. Тоа требаше да биде веднаш препознаено од Airbnb“, изјавила таа.
Пет дена по обраќањето на Гардијан до Airbnb, компанијата ја прифатила нејзината жалба. Прво ѝ понудиле 500 фунти, а потоа уште 854 фунти, што претставувало помалку од една петтина од вкупната цена на резервацијата. Откако жената одбила, на крајот ѝ била рефундирана целата сума од 4.269 фунти, а негативната оценка што домаќинот ја оставил на нејзиниот профил била отстранета.
„Загрижена сум за другите корисници кои можеби немаат ресурси да се одбранат од вакви измами. Денес е премногу лесно да се фалсификуваат фотографии со помош на вештачка интелигенција. Airbnb мора да има поостри критериуми за проверка“, изјавила таа за Гардијан.
Домаќинот што ја пријавил има статус на „супердомаќин“, што значи дека има искуство и високи оценки од претходни гости. Тој не одговорил на барањата од Гардијан за коментар.
Од Airbnb изјавиле дека не можеле да ја потврдат автентичноста на испратените фотографии и дека домаќинот добил предупредување за кршење на правилата. Доколку повторно добијат слична пријава, тој ќе биде отстранет од платформата.
„Сериозно ги сфаќаме пријавите за штета. Нашиот специјализиран тим ги разгледува сите достапни докази, а одлуките може да се обжалат“, изјавиле од компанијата за Гардијан.
Серпил Хол, директорка за економски криминал при консултантската фирма Baringa, објаснила дека денес е многу лесно да се манипулираат фотографии и видеа. Софтверите за оваа цел се евтини, достапни и лесни за користење.
„Многу компании веќе не ги прифаќаат фотографиите како единствен доказ во спорови“, рекла таа и додала дека „потребни се форензички алатки и системи за откривање измами, за да се потврди нивната веродостојност“.
Европа
Колона долга околу 700 километри забележана на автопат во Франција

Колона долга речиси 700 километри е забележана денеска на автопат во Франција, додека вкупната должина на сите колони на патиштата во земјата изнесуваше 1.051,6 километри во време на зголемен сообраќаен интензитет поради летните одмори и смената на туристи, што колоквијално се нарекува „Црна сабота“.
Како што извести BFM TV, сообраќајот на патиштата во Франција дополнително бил забавен поради две сообраќајни несреќи на автопатот кон Медитеранот и Атлантскиот Океан.
Според податоците на Bizon Futé, француската агенција за следење на состојбата на патиштата, до 7 часот утрово колоните биле подолги од 200 километри, а до 10 часот веќе надминале 570 километри.
Како што беше соопштено, гужвите се во согласност со прогнозите на агенцијата, која предупреди на „исклучително тешки сообраќајни услови“ за оваа сабота, а врвот на метежот се очекува околу пладне.
Сообраќајот во правец кон Алпите исто така е интензивен и загушен, со задржувања од час и 45 минути во тунелот Мон Блан во правец кон Италија