Свет
Строс-Кан е во домашен притвор во Емпаер Билдинг
Новото привремено престојувалиште на поранешниот извршен директор на ММФ Доминик Строс-Кан е еден од најстарите облакодери на Њујорк – Емпаер Билдинг (Empire Building) во областа Менхетен, пренесува Асошиетед прес, цитирајќи извор запознат со ситуацијата на привременото сместување на Строс-Кан
Доминик Строс-Кан беше уапсен на 14 мај во Њујорк, врз основа на изјавите на 32-годишната собарка од њујоршкиот хотел „Софител“ којашто го пријави на полицијата со обвинување за сексуално насилство. Врховниот суд на Њујорк во четвртокот се согласи да го ослободи со кауција од милион долари и да му одреди мерка домашен притвор. До излегувањето од притворот, Строс-Кан се наоѓаше во њујоршкиот затвор „Рајкерс ајленд“.Претходно се претпоставуваше дека поранешниот челник на ММФ ќе остане во домашен притвор во еден апартман во луксузниот комплекс „Плаза Бристол“ еден од најмодерните квартови во Горен Менхетен. Сепак, обвинителите и адвокатите на Строс-Кан не можеа да постигнат договор во врска со овој апартман и на крајот беше одлучено тој привремено да биде сместен во Долен Менхетен. Како што објави The New York Post, повикувајќи се на свои извори, менаџментот на комплексот „Плаза Бристол“ одбил да го прими поранешниот извршен директор на ММФ. Исто така, беше објавено дека жестоко против вакво соседство истапил еден „висок претставник на жителите“ на комплексот.За обезбедување на Строс-Кан е ангажирана специјализираната приватна фирма „Stroz Friedberg“, која е формирана главно од поранешни агенти на ФБИ. Строс-Кан ќе биде под окото на камерите за надзор, а на него ќе има електронска нараквица, која постојано ќе ја емитува неговата моментална локација. Дозволени се телефонски разговори и посети на роднините и пријателите на Строс-Кан. Доминик Строс-Кан „Претходната вечер претставници на медиумите се обидоа да влезат во зграда од комплексот Бристол Плаза. Порати тоа станарите на комплексот не се согласија со тоа Строс-Кан привремено да биде сместен тука“, изјавил адвокатот на поранешниот челник на Меѓународниот монетарен фонд (ММФ), Вилијам Тејлор. Според него, Строс-Кан се одлучил за друга локација „од почит кон станарите“. Според судијата од Врховниот суд, Мајкл Објус, станува збор за привремена мерка, и во рок од неколку дена Строс-Кан ќе биде префрлен на нова локација.Како што пренесува Асошиетед прес, поранешниот шеф на ММФ под никаков изговор нема право да ја напушти куќата. Откако ќе биде решено прашањето на неговото сместување, ќе биде решено и дали Строс-Кан ќе се пресели во постојан апартман, каде што ќе живеат до крајот на судскиот процес, а тој може да ја напушти својата куќа само за да се сретне со адвокат, да оди на доктор, кога се јавува на судските рочишта и да оди на неделни богослужби. Притоа тој ќе биде должен да го извести обвинителството за неговите планови најмалку шест часа претходно. Емпаер Билдинг е еден од најстарите облакодери во Њујорк, на 21-кат е изграден во 1895 година. Во 1996 тоа беше прифатена како знаменитост на Њујорк а во 1998 година влезе во Националниот регистар на историски места на САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Макрон: Ова е повик за будење за Европа, мора да почнеме да се однесуваме како светска сила
Францускиот претседател, Емануел Макрон, ја повика Европа да се наметне на светската сцена, предупредувајќи дека континентот се соочува со „повик за будење“ поради растечките закани од Кина, Русија, па дури и од САД.
Пред самитот на ЕУ оваа недела во Брисел, Макрон изјави за неколку европски весници дека е време Европа да почне да се однесува како „светска сила“, објави Би-Би-Си.
„Европа денес се соочува со огромен предизвик, во свет кој е во хаос“, предупреди Макрон во интервју.
„Дали сме подготвени да станеме светска сила? Тоа е прашање што се однесува на економијата и финансиите, одбраната и безбедноста, како и на нашите демократски системи“, рече тој. „Во друга ера, би можеле да кажеме дека ова е моментот за полнолетство“.
Макрон го повтори својот повик за заедничко задолжување на ниво на ЕУ за да се соберат стотици милијарди евра потребни за индустриски инвестиции.
„Време е да се започне заедничко задолжување за финансирање на нашите идни трошоци – еврообврзници за иднината. Ни требаат големи европски програми за финансирање на најдобрите проекти“, рече тој.
фото/Depositphotos
Свет
Калас: Ќе предложиме услови што Русија мора да ги исполни
Високата претставничка на Европската Унија за надворешна политика и безбедност, Каја Калас, денес изјави дека ЕУ ќе предложи список на отстапки што Европа треба да ги побара од Русија како дел од решението за прекин на војната во Украина.
„Сите на масата, вклучувајќи ги Русите и Американците, мора да разберат дека Европејците се потребни за да се постигне мировен договор“, изјави Калас пред група новинари на новински агенции во Брисел, според Ројтерс.
Според неа, ЕУ има услови за тоа.
„И овие услови не треба да им се наметнуваат на Украинците, кои веќе се под голем притисок, туку на Русите“, истакна таа.
Свет
Шпанија во страв од возови: патниците се откажуваат од железницата по трагедиите
По двете железнички несреќи што се случија во Шпанија во јануари и во кои загинаа 47 лица, речиси половина од корисниците размислуваат да престанат да патуваат со воз или веќе го сториле тоа, според анкета објавена денес од Агенцијата 40dB.
Се покажа дека 58 проценти од испитаниците веруваат дека шпанскиот железнички систем влева „малку“ или „никаква“ доверба, додека 24,2 проценти велат дека размислуваат за тоа, а 20,5 проценти веќе се откажале од користењето на возот, објавува Паис.
Според анкета спроведена онлајн со 2.000 испитаници, помладите генерации се оние кои најверојатно размислуваат да се откажат од овој начин на транспорт.
Во Шпанија, речиси една третина од населението често користи приградски возови, а 19 проценти користат возови за средни и долги растојанија и брзи возови.
Граѓаните ги оценуваат приградските услуги повеќе негативно отколку позитивно, додека спротивното мислење преовладува за средните и долгите растојанија и брзите возови (AVE).
Во однос на итната интервенција по железничката несреќа во Кордоба, најлошо оценети субјекти се шпанската влада, за која 51,8 проценти сметаат дека нејзините перформанси биле „лоши“ или „многу лоши“, компанијата Адиф која управува со железничката инфраструктура (46,4 проценти) и транспортната компанија Ренфе (42 проценти).
Приватните компании, како што е Ири, чиј воз бил вклучен во несреќата, го заземаат четвртото место, но процентот на граѓани кои веруваат дека нивните перформанси биле лоши или многу лоши е за 15,3 проценти помал од процентот на Ренфе.
Испитаниците беа прашани и за ефектот од железничкиот сообраќај, па мнозинството рекоа дека доживеале доцнења и откажувања на возови во последната година, имено 68,4 проценти од корисниците на приградските железнички возови и 61,5 проценти од корисниците на средни/долги железнички возови и брзи возови.
Исто така, 62,9 проценти од испитаниците изјавиле дека доживеале пренатрупаност или прекумерен проток на патници во шпицот на приградските железнички возови, а 58,3 проценти од корисниците на AVE (брзи) и средни и долги возови се жалат на високите цени во споредба со квалитетот на услугата.
Друг истакнат проблем е недостатокот на информации за инциденти, на кој се жалат 59,9 проценти од корисниците на приградски возови и 55,7 проценти од корисниците на долги возови.
Како што е наведено, од 2019 до 2024 година, бројот на патници во возовите на главните линии се зголемил за 40 проценти, па бројот на патници на линијата Мадрид-Барселона се зголемил од просек од 56 дневни возови на над 85.
На линијата Мадрид-Валенсија имало зголемување од 30 на 50 дневни возови, а на линијата Мадрид-Севиља од 33 на 40, со дополнителни 14 дневни возови додадени со вклучувањето на компанијата Ouigo на почетокот на минатата година.
Во железничка несреќа во Адамуз (Кордоба) во јануари оваа година загинаа 46 лица, а 48 часа подоцна, во несреќа во Гелида (Барселона), почина машиновозачот, а поради овие несреќи, железничките работници во понеделникот, 9 февруари, започнаа тридневен штрајк, барајќи „структурна промена во безбедноста“, пренесува Танјуг.

