Свет
Јемен го бомбардираше градот Зинџибар

Јеменско воено воздухопловство во понеделникот го бомбардираше градот Зинџибар во јужниот дел на земјата кој беше заземен од екстремните милитанти поврзани со терористичката група Ал Каеда, пренесува Reuters цитирајќи локални жители.
Јеменско воено воздухопловство во понеделникот го бомбардираше градот Зинџибар во јужниот дел на земјата кој беше заземен од екстремните милитанти поврзани со терористичката група Ал Каеда, пренесува Reuters цитирајќи локални жители. Според жителите на Зинџибар, при воздушните напади под интензивен артилериски оган биле повеќе градски населби. Претходно во понеделникот претставници на властите во Јемен изјавија дека ноќта кон понеделник во заседа паднал воен конвој. Притоа загинале најмалку четири војници, меѓу кои и полковник од единицата којашто била упатена да ги истисне од градот бунтовниците коишто го контролираат Зинџибар..Според западните медиуми, во текот на продолжението на борбите во понеделникот ноќта, единиците на владините сили во Зинџибар убиле четворица бунтовници а десетина биле ранети. Бунтовнците потврдија дека загинале двајца нивни борци.Во петокот навечер околу 200 вооружени лица влегле во Зинџибар – административен центар на провинцијата Абијан и ги нападнале владините трупи. Според локални жители, меѓу милитантите и армијата почна жестока битка, а напаѓачите притоа ослободиле десетици затвореници од централниот затвор во градот. Според очевидци, во судирите во петокот загинале најмалку 17 војници еден цивил.Анти-владините демонстрации со кои се бара оставка на претседателот Али Абдула Салех, кој е на власт повеќе од 30 години, почнаа во Јемен од почетокот на февруари. Припадниците на владините специјални единици употребија оружје за да ги растераат антивладините демонстранти. Според западните медиуми, во текот на немири во земјата загинале повеќе од 140 луѓе./крај/ро/сн/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Реакции на заканата од Трамп: Американските производители на виски, француската козметика и германската хемиска индустрија повикуваат на ублажување на тензиите

Откако Доналд Трамп повторно се закани дека ќе ја ескалира трговската војна и препорача воведување царина од 50 проценти за стоките од Европската Унија од 1 јуни, пристигнаа првите реакции од економските сектори од двете страни на Атлантикот.
Американските производители на виски ја поздравуваат одлуката на ЕУ засега да не воведува царини
Американските производители на алкохолни пијалаци ја поздравија одлуката на Европската Унија сепак да не воведува високи царини за американското виски. Крис Свонгер, претседател и извршен директор на Советот за дестилирани пијалоци на САД (Дискус), изјави:
„Американските производители на виски неодамна со големо олеснување ја дочекаа одлуката на ЕУ да не воведува царина од 50% на американското виски како дел од спорот за челикот и алуминиумот. Одлуката понуди зрак надеж дека САД и ЕУ би можеле да најдат заедничка основа и да избегнат понатамошно ескалирање на царините.“
Француската козметичка индустрија бара брз и избалансиран договор
Француското здружение на козметичката индустрија (FEBEA) повика на брзо постигнување на договор за избалансирана трговија меѓу Европската Унија и Соединетите Американски Држави. Во соопштението, тие рекоа:
„Козметичката индустрија бара избалансиран договор со Соединетите Американски Држави. Остануваме смирени и им веруваме на европските преговарачи брзо да го склучат договорот меѓу ЕУ и САД, бидејќи тоа е, пред сè, европско прашање. Американскиот пазар е нашиот најголем извозен пазар надвор од Европската Унија.“
Германската хемиска индустрија е претпазливо оптимистичка
Германската хемиска и фармацевтска индустрија продолжува да се надева на напредок во трансатлантската трговија. Волфганг Гросе Ентруп, извршен директор на Германското здружение на хемиската индустрија (VCI), изјави:
„Германската хемиска и фармацевтска индустрија сè уште се надева дека САД и ЕУ ќе постигнат договор за намалување на пречките во трансатлантската трговија. Во исто време, јасно е дека ситуацијата е сè уште кревка, а неизвесноста е голема. Заедно со успешните преговори со САД, клучно е и зајакнувањето на европската индустрија, внатрешниот пазар на ЕУ и продлабочувањето на односите со другите региони.“
Свет
Ирскиот премиер ја критикуваше „крајно разочарувачката“ одлука на Трамп

Ирскиот премиер Мајкл Мартин остро ја критикуваше последната закана на Доналд Трамп за зголемување на царините за стоки од Европската Унија, велејќи дека тековните преговори се „најдобриот и единствен одржлив пат напред“.
„Европската Унија преговара со добра волја во тој процес. Царините на дискутираното ниво не само што би довеле до зголемување на цените, туку би предизвикале и сериозна штета на еден од најдинамичните и најважните трговски односи во светот, како и би ја нарушиле пошироката глобална трговија“, рече Мартин.
„Нема потреба да одиме по тој пат“, рече тој.
Неговите коментари дојдоа откако Доналд Трамп започна остар напад врз преговарачката стратегија на Европа, велејќи: „Нашите разговори со нив не водат никаде!“
Свет
Извршниот директор на „Волво“: Верувам дека наскоро ќе се постигне договор

Извршниот директор на „Волво Карс“, Хакан Самуелсон, во интервју за „Ројтерс“ изјави дека верува оти меѓу САД и Европската Унија „наскоро ќе се постигне договор“.
Самуелсон рече дека царината од 50 проценти ќе ја ограничи можноста на „Волво“ да го продава својот електричен модел EX30, кој се произведува во Белгија, на американскиот пазар.
„Верувам дека наскоро ќе се постигне договор. Не може да биде во интерес ниту на Европа ниту на САД да се запре меѓусебната трговија“, рече тој.