Осудениот за сексуално злоставување и неговата сопруга од судот во Плејсервил, Калифорнија, се осудени на доживотен затвор поради грабнувањето и силување на Џојси Дагард кога имала 11 години и ја држеле во заробеништво речеис 20 години.

Шеесетгодишниот Филип Гаридо е осуден на вкупно 431 година до доживотен затвор, откако пред судот се изјаснил за виновен за грабнувањето и сексуалното злоставување по 13-те точки на обвинението, пренесоа американските медиуми. Обвинителот на округот Ел Дорадо, Верн Пиерсон го опишал Гаридо како „сексуален насилник кој го украл детството и невиноста на 11-годишното дете“. Сопругата на Филип, 55-годишната Ненси Гаридо којашто исто така ја призна вината, е осудена на 36 години затвор.Пред изрекувањето на пресудата, Тери Пробун, мајката на жртвата, сега 31-годишната Џејси Дагард, ја прочитала нејзината писмена изјава во којашто таа ги опишува 18-те ужасни години минати во заробеништво кај Гаридови. Меѓу другото таа во изјавата објаснува дека се решила да не присуствува во судницата „за да не губи другиот дел од својот живот“ во негово присуство..Џејси беше грабната на 10-ти јуни 1991 година во гратчето Саут Лејк Тахое во Калифорнија и била криена во шупи и шатори во Антиохиа, во кои подоцна биле и двете ќерки чиј татко е Филип Гаридо. Тие беа откриени во август 2009 година. Во 2010 година Дагард по договорот со државата Калифорнија доби отштета од 20 милиони долари а следниот месец ќе се излезат од печат нејзините мемоари „Украдениот живот’. /крај/хн/сн