Високо позициониран член на Ал Каеда, Иљас Кашмири, кој е сметан за еден од најопасните екстремисти во светот, е убиен во напад на американско беспилотно летало, соопштија во саботата функционери на пакистанското разузнавање за локалните медиуми

Смртта на пакистанскиот екстремист Иљас Кашмири е уште еден во серијата успеси на тајните служби , откако во Аботебад на 2-три мај американските маринци го ликвидираа водачот на глобалната терористичка мрежа Ал Каеда, Осама бин Ладен, потенцираат западните медиуми. „Сигурни сме дека е убиен. Сега се обидуваме да дојдеме до неговото тело. Сакаме да направиме фотографии на ликвидираните терористи“, изјавил функционер на пакистанската тајна служба.Reuters забележува дека ова е вторпат да се објавува информација за  убиството на Кашмири. Првпат ваква вест за негова ликвидација во американски воздушен напад беше објавена во септември 2009 година Но пакистанските медиуми ја потврдуваат денешната информација, повикувајќи се и на соопштение на групата предводена од Кашмири поврзана со Ал Каеда, Харкат-ул џихад Ислами“ (HUJI).„Можеме да потврдиме дека нашиот лидер и командант Мохамад Иљас Кашмири е убиен заедно со уште неколку соработници. Тој смртно настрада во напад на американско беспилотно летало на 3-ти јуни во 11.15 часот“, се наведува во соопштението на групата испратено по телефакс до пакистанската државна телевизија. „Американците многу скоро ќе доживеат голема одмазда. Нашата единствена цел е Америка“, изјавил во соопштението портпаролот на Харкат-ул џихад Ислами“ (HUJI), но неговата автентичност се’ уште не е потврдена.Припадниците на оваа екстремистичка група ја преземаа одговорноста за самоубиствениот бомбашки напад врз американскиот конзулат во Карачи во март 2006 година кога беа убиен четири лица, а ранети 48, објави Стејт департментот на САД.