Тројца војници загинале а неколку лица се ранети во напад на левата екстремистичка организација „Сендеро Луминозо“ на југот од Перу во тешко достапниот реон Куско, пренесуваат локалните медиуми.

Тројца војници загинале а неколку лица се ранети во напад на левата екстремистичка организација „Сендеро Луминозо“ на југот од Перу во тешко достапниот реон Куско, пренесуваат локалните медиуми. Воената патрола паднала во заседа недалеку од местото Вилкамабма во ноќта во сабота кон недела. Напаѓачите успеале да избегаат од местото на инцидентот. Во текот на неделата припадниците на перуанската армија ја спроведуваат операцијата на потрага по припадниците на левичарската екстремна организација кои се осомничени за нападот. Перуанската маоистичка организација „Сандеро Луминосо“ (Сјаен пат) е формирана од Абимале Гузман во 1960 година. Во неа во почетокот членуваа универзитетски професори и студенти кои потекнуваат од една од најсиромашните области Ајакучо. Во мај 1980 година организацијата почна да презема вооружени партизански акции против претставниците на властите. Во моментов, лидер на левичарската терористичка група Гузман се наоѓа на издржување казна доживотен затвор за терористички напади.Кандидатите за претседателската функција, лидерот на Националистичката партија, 48-годишниот поранешен потполковник во перуанската армија Оланта Умала кој го предводи левичарскиот блок „Гана Перу“ (Перу победува) и 36-годишната Кеико Фуџимори, кој е претставник на десните сили во земјата обединети во изборниот блок „Фуерца  2011“ (Сила 2011) изразија сочувство до семејствата на ужалените. Двајцата кандидати веруваат дека нападот е насочен против демократијата и слободната волја на луѓето во пресрет на вториот круг од претседателските избори. Во неделата во Перу се одржуваат избори за нов претседател на државата. За да победи на изборите, еден од двајцата кандидати мора да освои 50 отсто плус еден глас. Избраниот нов претседател  ќе ја преземе функцијата на 28 јуни и ќе ја извршува до 2016 година./крај/рн/сн