Министрите од државите членки на НАТО во средата одобрија група реформи кои значат затворање на некои од 11-те бази на Алијансата во Европа, се наведува во соопштението на НАТО

Генералниот секретар на НАТО, Андрес Фог Расмусен изјави дека затворањата на базите и рационализацијата на агенциите кои управуваат со некои сектори, како што е копнениот надѕор и стратешкиот воздушен мост ќе го направат НАТО „пофлексибилен и попристапен“. „Некои од центрите ќе бидат затворени. Други ќе бидат преместени или ќе имаат изменета улога“, се наведува во соопштението на Расмунсен што го цитира Reuters, но во кое не се наведуваат детали за базите кои се предвидени за затворање. И други високи функционери на НАТО одбија да дадат детали, но велат дека реформите што ги предложи Расмунсен имаат цела да го намалат бројот на големите бази на НАТО од 11 на седум, наведува агенцијата.Турција деновиве најави дека очекува НАТО да ја избере воздухопловната база во Измир за идно командно место на копнените сили на Алијансата, што би значело затворање на сегашните бази за копнени сили во Хајделберг во Германија и во близина на шпанската престолнина Мадрид. Во моментов НАТО има по две команди за своите копнени, воздухопловни и поморски сили и три команди на здружените сили, а тоа удвојување го сврти вниманието при одобрувањето на буџетите за одбрана во западните земји кои се под пресијата на стопанската криза.Извори од НАТО соопштиле дека реформите на Расмусен предвидува затворање на една од двојните команди на копнените, воздухопловните и поморските сили, како и на еден команден штаб на на здружентие сили. Поморски бази Алијансата има во Итали и во Велика Британија, а воздухопловните се во Турција и во Германија. Германија нема приговори за затворањето на базата во Хајделберг, а шпанската миситерка за одбрана Карме Какон во средата изјави дека е отворена за преговорите околу базата крај Мадрид. Се смета дека под најголема закана од затворање е командата на здружените сили во Лисабон. Другите две команди се во Холандија и во Италија. НАТО со реформите ќе ги намали бројот агенции кои носат конкретни проекти од 14 на четири, од кои три ќе бидат во Белгија а една во Луксембург. Функционери од НАТО изјавија дека со намалувањето на бројот на агенциите  ќе се намали и бројот на персоналот од 13 на помалку од девет илјади.