Свет
Клинтон ја повика Африка да се откаже од Гадафи
Државната секретарка на САД, Хилари Клинтон во понеделникот ги повика африканските држави да се откажат од либискиот челник Моамер ел-Гадафи, нагласувајќи дека е време да го исполнат нивното ветување дека ќе ја промовираат демократијата на континентот.
Државната секретарка на САД, Хилари Клинтон во понеделникот ги повика африканските држави да се откажат од либискиот челник Моамер ел-Гадафи, нагласувајќи дека е време да го исполнат нивното ветување дека ќе ја промовираат демократијата на континентот. Хилари Клинтон е воопшто првиот американски државен секретар кој одржал говор пред Африканската унија. Таа во него предупреди дека на нереформираните африкански лидери има се заканува опасноста од ист наплив од демократија којашто се шири по земјите од Блискиот исток. Притоа Клинтон изјави дека „статус-квото е прекинато и дека стариот начин на владеење повеќе е неприфатлив“.„Вистина е дека Гадафи играше голема улога во пружањето финансиска помош на многу африкански нации и институции, вклучувајќи ја и Африканската унија. Но стана јасно дека одамна мина денот до кој можеше да биде на власт“, рече Клинтон во нејзиниот говор пред Африканската унија во седиштето на организацијата во Адис Абеба./крај/ро/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.