Свет
САД запреа севернокорејски брод со проектили
Американскиот разурнувач USS McCampbell последните неколку седмици го следел товарниот брод M/S Light, кој на крајот бил би принуден да се врати во неговото матично пристаниште во Северна Кореја
Како што пишува во понеделникот The New York Times, севернокорејскиот брод наводно превезувал товарни делови за проектили за Мјанмар (поранешна Бурма) а операцијата на американската морнарица била извршена со помош на азиските сојузници.Ова е вторпат во последните две години разурнувач на Американската воена морнарица подолго време да следи севернокорејски брод за кој се претпоставува дека носи воен товар и да го принуди да се врати во водите на Северна Кореја. Белата куќа оцени дека станува збор за значаен успех во настојувањата да се наметнат санкциите на Обединетите нации врз Северна Кореја, пишува во понеделникот бостонскиот дневен весник Christian Science Monitor на своето интернет издание.Американски функционери во понеделникот потврдиле дека севернокорејскиот брод кој пловел под знамето на Белизе го сменил курсот откако разурнувачот USS McCampbell го следел од крајот на мај пред југоисточниот брег на Кина. Според Гери Сејмор, советник на Белата куќа за нуклеарни прашања, ова „дефинитивно претставува победа“. Тој додава дека со овој случај се покажува ефективноста на резолуцијата на Советот за безбедност при Обединетите нации, со санкциите за извоз на оружје, донесени по нуклеарните проби извршени од Северна Кореја во октомври 2006 и мај 2009 година. Иако спецификата на товарот што го пренесувал севернокорејскиот брод не е потврдена, се верува дека биле превезувани компоненти за ракети за Мјанмар, кој исто така се соочува со ембарго но на увоз на оружје до страна на многу западни земји. Покрај тоа, западните служби веруваат дека Северна Кореја на Мјанмар му испорачува и конвенционално вооружување, вклучувајќи пушки и автоматско оружје. Според написите во американските медиуми, откако разурнувачот на морнарицата на САД пред Шангај го пресретнал севернокорејскиот товарен брод, четири пати било барано властите во Пјонгјанг да дозволат претрес на товарот, што било одбиено а потоа бродот бил следен 13 илјади наутички милји, додека не сопрел и се вратил назад во водите на Северна Кореја и кон пристаништето од кое испловил.Во ова, според The New York Times, важна улога имал притисокот од страна на Виетнам, Филипини и другите држави на маршрутата на севернокорјскиот брод.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Регион
Никола Роквиќ тргна пеш на пат долг 1.150 километри на хумана мисија
Никола Роквиќ пеш тргна кон Грција и треба да помине 1.150 километри, а сето тоа во хуманитарна мисија.
Тој и неговата сопруга Бојана неодамна ја основаа „Фондација за семејство“, а за да им помогне на оние на кои им е потребна помош, реши да направи неверојатен чекор достоен за восхит.
Треба да стигне до Егина, каде што ќе се поклони на Свети Нектариј Егински. Пред заминувањето тој со семејството ја посети црквата Свети Сава каде се помоли.
„По овој пат решив да тргнам од љубов кон луѓето и се надевам дека ќе биде за радост на многумина, се надевам дека ќе биде за радост на многумина, се надевам дека ќе биде за помош на многумина. Првенствено да помогнам на многу семејства, на многу деца, но најважно да им помогнам на болните деца, поради што во голема мера го започнав ова патување. Започнавме фондација која ќе му помага на семејството, која ќе помага на талентирани деца, на многудетно семејство, но и на болни деца“, изјави Никола во храмот Свети Сава за „Телеграф“.
Никола последниве месеци се подготвуваше за овој потфат со големи планинарски тури.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.