Сириските сили во вторникот наутро се упатиле кон северниот град Марат ал-Нуман на автопатот Дамаск – Алепо, откако уапсиле стотици лица во селата во околината на Џиср ал-Шугур, пренесува Reuters e на повикувајќи се на очевидци

Единици на армијата на Сирија придружувани од оклопни возила  доцна вечерта во понеделник пристигнале во селото Ахтам, 14 километри од градот Марат ал-Нуман, во кој се одржуваа големи протест против сирискиот претседател Башар ал-Асад.Седум илјади жители од областа на градот Џиср ал-Шугур пребегнаа во јужната турска покраина Хатаи, која е оддалечена околу 20 километри, пред владините единиц да влезат во градот.Сириските власти тврдат дека во Џиср ал-Шугур минатата седмица загинале 120 припадници на безбедносните сили. Жителите на градот кои побегнаа и дезертери од армиските редови тврдат дека тоа биле цивили и војници кои биле убиени затоа што не сакале да пукаат во народот.Од пред три месеца откако почнаа протестите во Сирија, загинале пповеќе од 1.300 цивили и повеќе од 300 војници и полицајци. Сириските власти за безредијата обвинуваат вооружени групи за кои тврдат дека се дојдени од надвор.Претседателот Башар ал-Асад дојде на валст по смртта на неговиот татко во 2000 година, а по избувнувањето на протестите понуди некои отстапки како што е укинување на вонредната состојба во земјата којашто беше на сила 48 години како и поведување национален дијалог, но тоа демонстрантите го одбиле.