Свет
Осуммина загинати во Бакуба
Најмалку осум луѓе загинаа. А 27 се повредени во денешниот вооружен напад врз зградата на градското Собрание во ирачкиот град Бакуба.
Најмалку осум луѓе загинаа. А 27 се повредени во денешниот вооружен напад врз зградата на градското Собрание во ирачкиот град Бакуба. Според полициски извори пред нападот пред зградата се разнел бомбаш самоубиец и експлодирал автомобил бомба. Зградата на градското Собрание подоцна била нападната од десетина бунтовници. Покраината Дијала, мнозински е населена со сунити, но има голема шиитска и крдска заедница, има 1,5 милиони жители. Покраината е една од најнасилните во Ирак и до 2008 година беше упориште на Ал Каида, која и понатаму е активна во овој дел на Ирак. крај/х/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Ова се важни денови за Украина
Претседателот на Украина, Володимир Зеленски објави дека денеска разговарал со генералниот секретар на НАТО, Марк Руте.
„Разговарав со Марк Руте и ќе разговараме повторно во наредните денови. Ова се важни денови и многу работи можат да се променат. Тесно се координираме и во нашите активности и во активностите на сите партнери, заедничките акции, заедничките позиции ќе бидат исклучително ефикасни. Ви благодарам за вашата поддршка“, напиша Зеленски на Телеграм.
Тој наведе дека телефонски разговарал со претседателката на Европската комисија, Урсула фон дер Лајен.
– Продолжуваме да бидеме во целосна координација со Европската комисија, благодарен сум за поддршката. Разговаравме за ситуацијата во дипломатијата и имаме заеднички став за клучните прашања. Исто така е важно што Урсула е многу внимателна кон потребата од зајакнување на нашата отпорност во услови на постојани руски напади врз инфраструктурата и енергијата. Ја ценам подготвеноста да ѝ се помогне на Украина!, напиша Зеленски.
Свет
Папата Лав Четиринаесетти пристигна во Либан
Папата Лав Четиринаесетти пристигна во Либан во рамки на неговата прва турнеја во странство, објави ДПА.
Светиот Отец пристигна попладнево во либанскиот главен град Бејрут, по посетата на Турција.
Посетата на папата се смета за причина за надеж за мир и стабилност во земјата загрозена од воени конфликти и зафатена од кризи.
Тој ќе се сретне со либанските лидери, ќе посети христијански објекти и ќе одржи литургија. Околу 30 отсто од населението на Либан се христијани, додека мнозинството жители се муслимани.
Свет
Четворица мртви и десет ранети на семеен собир во Калифорнија
Четири лица се убиени, а 10 се ранети во пукотница за време на семеен собир во свечена сала во Стоктон, Калифорнија, објавија ноќеска официјални лица од канцеларијата на шерифот, пренесуваат американските медиуми.
Меѓу жртвите има деца и возрасни, потврди Хедер Брент, портпаролка на канцеларијата на шерифот на округот Сан Хоакин.
Првичните информации „сугерираат дека ова можеби бил намерен инцидент“, рече Брент за време на прес-конференцијата на местото на настанот.

Локалните официјални лица објавија дека осомничениот напаѓач сè уште не е уапсен и апелираа до јавноста за помош. Детективите сè уште работат на утврдување на можниот мотив за инцидентот.
„Доколку имате какви било информации за ова лице, ве молиме веднаш да се јавите. Ако сте тоа лице, ве молиме веднаш да се предадете“, рече окружниот обвинител на округот Сан Хоакин, Рон Фреитас, на прес-конференција.
Пукањето се случило непосредно пред 18 часот во свечената сала што го дели паркингот со други деловни објекти.
Стоктон е град со 320.000 жители, сместен околу 40 милји јужно од Сакраменто.
„Семејствата треба да бидат заедно, наместо да бидат во болница, да стојат покрај своите најблиски и да се молат да преживеат“, рече градоначалничката Кристина Фугаци.
Засега, властите не објавија никакви дополнителни информации за состојбата на повредените. Претходно беше потврдено дека неколку лица се префрлени во болници.

