Свет
Гадафи би се согласил со надгледувани избори во Либија
Либискиот водач Моамер ел-Гадафи би се согласил со меѓународно надгледувани избори под услов да нема местење на гласањето, изјавил претставник на либиските власти пренесуваат италијанските медиуми.
Либискиот водач Моамер ел-Гадафи би се согласил со меѓународно надгледувани избори под услов да нема местење на гласањето, изјавил претставник на либиските власти пренесуваат италијанските медиуми.„Изборите може да се одржат во рок од три месеца, најдолго до крајот на годината, а гаранцијата може да биде присуството на меѓународни набљудувачи“, изјавил Саиф ал-Ислам во интервју за италијанскиот дневен весник Кориере дела Сера објавено денеска.Синот на либискиот водач Моамер ел-Гадафи, кој го сметаат за наследник на чело на режимот во Триполи, додава дека изборите во Либија може да бидат надгледувани од претставници на Европската унија, на Африканската унија, Обединетите нации, па дури и од претставници на НАТО чие воено воздухопловство спроведува кампања за бомбардирање и ослабување на војската лојална на Гадафи. „Важно е изборите да бидат транспарентни, да не се јави сомнеж дека се наместени“, нагласува ал-Ислам. „Не се сомневам дека повеќето Либијци стојат крај мојот татко и ги сметат бунтовниците за фанатични исламистички фундаменталисти, терористи поттикнат однадвор, платеници по наредба на францускиот претседател Николас Саркози“, вели синот на Гадафи.Саиф ал-Ислам вели и дека неговиот татко ќе биде подготвен да си замине од власта доколку изгуби на изборите, но дека нема да замине во егзил. „Тој никогаш нема да ја напушти Либија. Тој тука е роден и има изјави дека намера тука и да умре и да биде закопан крај оние кои му се мили“, вели ал-Ислам./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.