Свет
Триполи предлага формирање мисија за разоружување во Либија
Официјален Триполи се залага за заедничка мисија со Африканската унија и Обединетите нации (ОН), којашто би го надгледувала предавањето на оружјето на завојуваните страни во Либија, изјави за новинарите во либиската престолнина специјалниот пратеник на рускиот претседател за Африка, Михаил Маргелов.
Официјален Триполи се залага за заедничка мисија со Африканската унија и Обединетите нации (ОН), којашто би го надгледувала предавањето на оружјето на завојуваните страни во Либија, изјави за новинарите во либиската престолнина специјалниот пратеник на рускиот претседател за Африка, Михаил Маргелов.„Министерот за надворешни работи на Либија рече дека по почетокот на внатрелибискиот дијалог, кој како што смета може да се одржи на неутрален територија, на пример на Малта, во Каиро или Тунис, Либијците може да формираат заедничка мисија со Африканската унија-и ОН, којашто би го надгледувала предавањето на оружјето од завојуваните страни, а исто така и би го следела политичкиот дијалог во земјата. Контролата над безбедноста, според министерот, на целата територија на државата треба да ја спроведува цивилната полиција“, изјави Маргелов пред новинарите во Триполи, по разговорите со министерот за надворешни работи на Либија. Специјалниот пратеник на рускиот претседател Дмитриј Медведев, исто така, рече дека министерот за надворешни работи на Либија, Абделати ал Обеиди му рекол оти либиското раководство апелира за итен прекин на огнот по што може да отпочне широк дијалог за иднината на земјата, за носење нов устав и спроведување избори. „Се совпаѓаме во проценките за важноста и ефективноста на напорите од страна на Африканската унија. Министерот ми кажа дека напорите што ги вложува Африканската унија до денес -.се приоритетните напори што треба да ги преземе меѓународната заедница кон Либија“, додаде Маргелов.Италијанскиот весник „Кориере дела сера“ во четвртокот објави интервју со синот на либискиот водач Моамер ел-Гадафи, Саиф ал-Ислам, во кое тој изјави дека неговиот татко би се согласил со меѓународно надгледувани избори под услов тие да бидат фер и без лажирање. /крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.