Свет
Абас ја повика ЕУ да ја признае независна Палестина
„Ештон одговори дека за ова прашање (признавање на државноста) сè уште се дебатира во кулоарите на Европската унија. За ЕУ приоритет е продолжувањето на мировниот процес“, додаде Орејкат.
Претседателот на Палестинската национална администрација (ПНА) Махмуд Абас ја повика Европската унија (ЕУ) да ја признае Палестина „еднострано или колективно“, јавија денеска локалните медиуми.Повикот на претседателот Махмуд Абас бил упатен за време на неговата средба во петокот доцна навечер одржана во Рамалах на Западниот Брег, со високиот претставник на ЕУ за надворешна и безбедносна политика, Кетрин Ештон којашто во четвртокот допатува во посета на Израел и палестинските територии. Како што изјави Саеб Орејкат, член на извршниот комитет на Палестинската ослободителна организација (ПЛО) по средбата со Ештон, во моментов шест европски земји (коишто тој не ги именува) ја имаат признаено палестинска држава и кај нив има воспоставени амбасади на Палестина, а палестинските власти се надеваат дека и преостанатите 21 земја ќе ја признаваат независната палестинска држава. „Ние побаравме од ЕУ да ни помогне во справувањето со ова прашање во септември во Обединетите нации за признавање на Палестина во рамките на границите од 1967 година“, изјави Орејкат кој е и главен палестински преговарач. „Ештон одговори дека за ова прашање (признавање на државноста) сè уште се дебатира во кулоарите на Европската унија. За ЕУ приоритет е продолжувањето на мировниот процес“, додаде Орејкат.На крајот од март годинава, Махмуд Абас изјави дека очекува прогласување на независност на Палестина и признавање на нејзината државност во септември 2011 година. Палестинската управа (односно Палестинската национална администрација – ПНА) настојува да воспостави независна држава во рамките на границите од 1967 година, и се надева дека во текот на меѓународните преговори, Израел ќе ги повлече своите војници од окупираните по војната во 1967 година од палестинските територии – на Западниот Брег, во Газа и во источен Ерусалим. На оваа територија ПНА сака да се формира палестинска држава со главен град Источен Ерусалим. Меѓутоа Израел одбива да се врати на границите од 1967 година и не сака воопшто да биде поставено прашањето на Ерусалим, кој го прогласи за своја „вечна и неделива престолнина“.Дијалогот за параметрите на конечниот договор меѓу Израел и Палестинците беше прекинат во септември 2010 година поради разликите во пристапите на двете страни при решавање на проблемот со изградбата на населбите за израелските доселеници.Американскиот претседател Барак Обама изјави во мај дека основа за решавање на израелско-палестинскиот конфликт треба да биде враќањето на Израел на границите од 1967 година. Партиципиентите во ткн „четворка“ (Русија, ЕУ, ОН, САД) ја поддржаа иницијативата. Израелскиот премиер Бенјамин Нетанјаху го одби овој предлог, тврдејќи дека враќањето на Израел на старите граници, ќе ја направи еврејската држава незаштитена од заканите. /крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.