Свет

Одобрена промена на суфиксот на интернет доменот

Објавено пред

9 години

- 20 јуни, 2011

Од

Организацијата задолжена за управување со интернет домените денеска одобри употреба на новите суфикси со што ќе можат да бидат опфатени и приватните компании, што се оценува како почеток на новата фаза за интернетот. Интернет корпорацијата за доделување на имињата и броевите планира врз основ на одлуката донесена на состанокот во Сингапур значително зголемување на суфиксот на интернет адресите од постоечките 22. Се претпоставува дека стотици нови суфикси би можеле да се појават од почетокот на следната година. Наместо да завршуваат со .com, .org или .net, интернет адресите во иднина би можеле да завршуваат со било кој збор или да бидат на било кој јазик. Интернет корпорацијата за доделување на имињата и броевите апликации за новите домени ќе започне да ги прима од јануари следната година, оттаму очекуваат големите корпорации и градови да бидат меѓу првите апликанти. Новите домени ќе можат да бидат категоризирани според индустријата, географската положба и државјанството, и ќе ги вклучува арапско, кинеското и други писма. Оваа одлука е донесена по шестгодишни преговори и преставува најголема промена во системот на имињата на доменот, од моментот кога е воведен доменот .com, пред 26 години. Сега големите корпорации како што се Apple, Toyota, или BMW ќе можат со дополнително покривање на трошоците да имаат интернет страница со нивното име на крајот. Интернет корпорацијата за доделување на имињата и броевите барањата ќе ги прима од 26 јануари, а цената изнесува 185.000 долари. крај/б/нц

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Повеќе загинати во борбите во Јемен

Претходно

Повеќе илјади луѓе протестираа во Мароко

Свет

Од громови во Индија за 10 дена загинале 147 лица

Објавено пред

2 часа

- 6 јули, 2020

Од

Макфакс

Најмалку 147 луѓе загинале од удар на гром во последните 10 дена во индиската држава Бихар на североисток и се предупредува дека невремето би можело да зачести деновиве.

Love Thunderstorms #mumbai #india #MumbaiRains #tiktokbanindia #mumbaimonsoon #mumbailightning #lightning #thunder #stormchaser pic.twitter.com/EvHLLPJvom
— Ujwal Puri (@ompsyram) June 29, 2020

Само минатиот четврток властите регистрирале околу 26 жртви на гром, 15 лица во петокот, а 21 во саботата, додека 40 се повредени.

Во тек е сезоната на монсуните, која трае од јуни до септември и во текот на која земјоделците работат на нивите. Минатата година 170 луѓе беа погодени од гром за време на монсунскиот период.

Прикажи повеќе...

Регион

Србија ќе ги зајакнува контролите за заразените кои се во домашна изолација

Објавено пред

3 часа

- 6 јули, 2020

Од

Макфакс

Полицијата, во соработка со санитарната инспекција, ќе контролира дали заразените пациенти без симптоми, кои се лекуваат дома, ја почитуваат мерката за самоизолација. Ние мора да вратиме сè што направивме порано, а тоа е телефонска контрола и казнување“, рече српскиот министер за здравство, Златибор Лончар, пред новинарите во Белград.

Заразените лица кои немаат никакви симптоми на болеста се испраќаат на домашна изолација. Епидемиологот Радован Шеканац посочи утрово дека голем проблем се заразените пациенти кои се на домашно лекување и кои не ја почитуваат мерката на самоизолација, ја напуштаат куќата и шетаат низ градот затоа што немаат никакви симптоми.

Прикажи повеќе...

Свет

Руските власти ископале ров околу село за да го заштитат од Ковид-19

Објавено пред

3 часа

- 6 јули, 2020

Од

Макфакс

Руските власти ископале ров околу оддалечено сибирско село за да го стават во карантин, откако десетици жители се заразиле со Ковид-19. Локалните власти веруваат дека се проширил преку традиционален шамански обред.

Селото Шулута, кое се наоѓа на околу 30 километри југоисточно од езерото Бајкал во сибирската провинција Бурјатија, има 37 потврдени случаи заразени со вирусот, од вкупно 390 жители.
Се верува дека уште 25 лица биле во контакт со заразените, и тие мора да бидат во карантин.

Заразата почнала откако десетина селани учествувале во шамански ритуали на 10 јуни, кои ги извршувала заразена жена. Рововите околу Шулута биле ископани на 29 јуни, како мерка за да се спречат туристите да возат низ селото кон блискиот Национален парк Тунк, како и за да го ограничат движењето на локалните жители, од кои некои биле скептични за наредбата да се самоизолираат.

Прикажи повеќе...