Врховниот суд на САД денеска пресуди во полза на компанијата „Валмарт“ во најголемата тужба за полова дискриминација во историјата, оценувајќи дека во случајот на вработени кои барале повеќе милијарди долари отштета несоодветно им е даден статус на групна тужба.

Врховниот суд на САД денеска пресуди во полза на компанијата „Валмарт“ во најголемата тужба за полова дискриминација во историјата, оценувајќи дека во случајот на вработени кои барале повеќе милијарди долари отштета несоодветно им е даден статус на групна тужба. Судот ја поништи пресудата на основниот суд дека повеќе од милион вработени во компанијата во САД можат да се приклучат во парницата против „Валмарт“ во која вработените тврдат дека компанијата ги плаќа жените помалку и поретко им доделува унапредувања. Врховниот суд се сложи со „Валмарт“  дека групната тужба ги крши сојузните закони за такви случаи. Судот го прифати аргументот на „Валмарт дека вработените на различни работни места во продавниците со различни надредени лица немаат доволно заеднички работи за да можат да се опфатат со една групна тужба. Врховниот суд одлучуваше само за тоа дали можат тужителките 10 годишната парница да ја продолжат како една група, но не и по тврдењата за полова дискриминација што е суштината на процесот. „Валмарт“, најголемиот малопродажен синџир во светот и најголем приватен работодавец во САД, ги отфрли обвинувањата и истакна дека неговата бизнис политика забранува дискриминација. Пресудата на Врховниот суд за овој случај може да влијае и на другите групни тужби, како оние против тутунската индустрија и компанијата „Костко Волсејл“. По веста за пресудата, вредноста на акциите на „Валмарт“ на Њујоршката берза се искачи за еден отсто, на 53,28 долари. /крај/рој/хн/ст