Свет
Обама ќе најави повлекување на војници од Авганистан

Претседателот Барак Обама вечерва ќе се обрати до нацијата за следните чекори во војната во Авганистан. Според, најавите, до крајот на годината би требало да се вратат околу 10.000 војници.
Претседателот Барак Обама вечерва ќе се обрати до нацијата за следните чекори во војната во Авганистан. Според, најавите, до крајот на годината би требало да се вратат околу 10.000 војници. Медиумите цитираат претставници на одбраната дека веднаш ќе се повлечат 5.000, а други 5.000 до крајот на 2011-та.
Портпаролот Џеј Карни, коментирајќи на медиумските шпекулации, рече дека Обама ќе објасни како ќе ја примени стратегијата за повлекување што ја објави уште во декември 2009-та во воената академија Вест Поинт во Њујорк.
Во обраќањето од Белата куќа во вечерен ударен термин, Обама, според најавите, ќе ја реафирмира заложбата на САД и НАТО за целосно предавање на одговорноста за безбедноста на Авганистан во надлежност на авганистанските сили до 2014-та.Во моментов, САД имаат околу 100.000 војници во Авганистан.
Секретарот за одбрана Роберт Гејтс изјави дека претседателот морал да ја има предвид одржливоста на ситуацијата на домашен терен – и во Конгресот, и меѓу американската јавност, како и условите во Авганистан. Гејтс ја уважи загриженоста во САД во врска со Авганистан, велејќи дека американскиот народ е „заморен од еднодецениската војна“. Тој рече и дека постои „огромна резервираност“ во Конгресот за војната и за обемот на американското учество. крај/воа/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Тајлер Робинсон – од стипендист со блескава иднина до осомничен за убиството на Чарли Кирк

Тајлер Робинсон (22) од Јута, кој некогаш важел за одличен ученик и добитник на претседателска стипендија на Универзитетот „Јута стејт“, денес е главен осомничен за убиството на десничарскиот активист Чарли Кирк.
По успешното завршување на средно образование во 2021 година, Робинсон добил четиригодишна стипендија и бил сметан за примерен студент. Но, по само еден семестар ја напуштил академијата и подоцна се запишал на „Дикси Техникал Колеџ“ како електричар-приправник.
Истрагата за убиството открила пушка со чаури на кои биле гравирани пораки – од антифашистички слогани и стихови од „Бела чао“ до интернет мемиња. Семејството признало дека во последно време станал политички поактивен и отворено критичен кон Кирк.
Пријателите и соседите сепак го опишуваат како тивок, повлечен и голем љубител на видео игри, без претходни проблеми со законот. Робинсон бил уапсен откако неговиот татко го препознал на фотографиите објавени од полицијата и го убедил да се предаде.
Свет
Орбан до Западот: Не примаме наредби од неизбрани бирократи, одговараме само пред нашиот народ

Унгарскиот премиер Виктор Орбан изјави дека неговата земја веќе три и пол години ја плаќа цената на војната во Украина, и покрај тоа што, како што рече, „тоа не е нашa војна“.
Тој нагласи дека западните лидери се обидуваат уште подлабоко да ја вклучат Унгарија во конфликтот, но дека Будимпешта ќе продолжи да се спротивставува.
„Ќе го браниме нашиот народ, нашата слобода и ќе тежнееме кон мир,“ порача Орбан преку платформата Икс.
Тој додаде дека Европската унија е создадена да им служи на суверените нации, а не да владее со нив. „Брисел не ја контролира Унгарија. Не примаме наредби од неизбрани бирократи, одговараме само пред нашиот народ. Време е работите да се исправат,“ изјави Орбан.
Свет
Се откачи жичница во Русија, повеќе од 30 евакуирани, има загинати

На планината Елбрус, во руската република Кабардино-Балкарија, се случи несреќа со жичница при што загинаа три лица, а повеќе од 30 беа евакуирани, соопштија локалните власти.
Според првичните информации, загинале жител на Кабардино-Балкарија, жена од Дагестан и маж од Москва. Несреќата настанала кога сајлата излетала од валјак на еден од носачите.
Во моментот на инцидентот, на жичарата имало 37 луѓе, од кои 35 биле успешно евакуирани.