Свет
Сириските тенкови избија на турската граница

Сириските тенкови и војници денеска стигнаа на дофат на турската граница, каде што се засолнија илјадници бегалци, кои бегаат од жестоките репресии на армијата, јавуваат светските агенции
Сириските тенкови и војници денеска стигнаа на дофат на турската граница, каде што се засолнија илјадници бегалци, кои бегаат од жестоките репресии на армијата, јавуваат светските агенцииИнформацијата е невозможно да се провери од независни извори. Жители на турското село Гувечи, кое се наоѓа на самата граница тврдат дека рано изутрина на ридот кој се наоѓа на неполн километар од границата се појавиле голем број на сириски тенкови и војници. Сириската војска го сменила турското знаме кое се виорело во бегалскиот камп, а било кренато во знак на благодарност на бегалците за турската помош и веднаш го ставила сириското знаме. Истовремено, во близина на малата воена база која се наоѓа во Гувечи турската полиција поставила вреќи со песок и со двогледи го следи движењето на сиријците. Илјадници сириски бегалци во изминативе денови подигнаа повеќе импровизирани логори долж сириско-турската граница, која не се осмелуваат да ја минат од страв дека потоа нема да им биде дозволено да се вратат дома. Бегалците велат дека турската влада им ветила оти во случај на опасност ќе им биде дозволено да пребегнат на турската страна. Нема информации дека во текот на утрото некои од бегалците се обиделе да минат во Турција. Вчера жителите на Гивечи слушнале истрели од лесно оружје и експлозии кои доаѓале од ридот каде што се појавила сириската армија. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Луѓето да се подготват за можна војна со Русија, вели шведскиот министер за одбрана

Луѓето што живеат во европските земји членки на НАТО мора да се подготват за можна војна со Русија, изјави шведскиот министер за одбрана Пал Џонсон за Redaktion Netzwerk Deutschland (RND) во интервју објавено во неделата.
„За да го зачуваме мирот, мора да се подготвиме и ментално и воено за можноста за војна“, рече функционерот. „Неопходна е промена на менталитетот: Мора да преминеме на воен режим за решително да го одвратиме, одбраниме и да го зачуваме мирот“.
Притисокот за повисоки трошоци за одбрана се совпаѓа со повиците од американскиот претседател Доналд Трамп, кој побара европските членки да купат повеќе американско оружје – вклучително и за употреба во Украина. Џонсон ги оправдува ваквите купувања велејќи дека Европа „едноставно нема или сè уште не може да произведе“ потребни системи.
„На Украина ѝ се потребни овие средства бргу“, рече тој.
„Ако на Европа ѝ недостигаат, логично е да ги добие од САД“.
Фото: принтскрин
Свет
(Видео) Пожар во авионска кабина поради литиумска батерија: авионот итно слетал во Шангај

Авион на „Ер Чајна“, кој летал за Сеул, направил итно слетување во Шангај во саботата кога литиумска батерија во рачниот багаж на патникот се запалила и ја исполнила кабината со чад.
Според авиокомпанијата и кинеските медиуми, пожарот избувнал на летот „CA139“, кој полетал од меѓународниот аеродром „Хангжу Сјаошан“ во 9.47 часот по локално време со 160 патници и членови на екипажот на пат кон Инчеон, Јужна Кореја.
A fire erupted in a overhead luggage bin after a lithium battery exploded in the passenger's carry -on bag. The Air China flight heading from Hangzhou, China, to Incheon, South Korea,#NewsPMC #passenger #AirChinaFlightFire #injuries #Shanghai pic.twitter.com/5gkc6RemPu
— News PMC (@newspmc_pk) October 20, 2025
„Ер Чајна“ изјави на социјалната мрежа „Веибо“ дека „литиумската батерија во рачниот багаж на патникот, сместена во надземниот дел, спонтано се запалила“. Екипажот реагирал веднаш и никој не е повреден, пишува „Њујорк пост“.
Видеата што кружат на кинеските социјални медиуми и објавени од „Ен-би-си њуз“ покажуваат силен пламен и густ чад што излегува од одделот, додека шокираните патници врескаат за помош. Две стјуардеси трчаат по ходникот со противпожарни апарати, а другите ги предупредуваат патниците да останат на своите места.
Еден патник им изјави на локалните медиуми дека слушнал силен тресок неколку моменти пред пламенот.
Авионот безбедно слета во Шангај околу 11 часот наутро, а подоцна патниците беа однесени во Сеул со резервен авион, објави компанијата. Нема повредени, а авионот не претрпел структурни оштетувања.
Локалните медиуми објавија дека запалената батерија, најверојатно, била power bank, иако брендот или производителот сè уште не се официјално потврдени.
Фото: принтскрин
Свет
Литвански министер: Местото на Путин е во Хаг, нема место за воени злосторници во Европа

Рускиот лидер Владимир Путин треба да биде спречен да учествува во преговори со висок ризик наменети за замрзнување на војната во Украина, изјави денес литванскиот министер за надворешни работи, Кестутис Будрис.
Тој го осуди планот на американскиот претседател Доналд Трамп тој и Путин да се сретнат во Будимпешта нагласувајќи дека не може да замисли Путин да се пресели во европскиот воздушен простор, објави „Ројтерс“.
„Во Европа нема место за воени злосторници. Единственото место во Европа за Путин е Хаг, во Трибуналот, а не во еден од нашите главни градови“, рече тој пред состанокот на министрите за надворешни работи на земјите членки на ЕУ во Луксембург.
На прашањето дали постои ризик Трамп да се налути ако европските земји не се согласат со идејата рускиот и американскиот лидер да се сретнат во Будимпешта, Будрис рече дека постојат и други начини за средба.
„И јас би барал алтернативи“, истакна Будрис.
Порано денес, високата претставничка на Европската Унија за надворешна политика и безбедност, Каја Калас, рече дека воопшто не е убаво што постои можност Путин и Трамп да се сретнат во Будимпешта. Таа оцени дека не е убаво да се види оти Путин, по кого Меѓународниот кривичен суд (МКС) издаде потерница, да доаѓа во европска земја.
Фото: принтскрин