Свет
Двајца Бразилци хоспитализирани под сомнение за Е.коли

Двајца жители на градот на Кампинас во бразилската сојузна држава Сао Паоло се хоспитализирани поради сомнение дека се заразени со опасната бактерија ешерихија коли од која досега починаа 43 луѓе, од кои 41 во Германија и две лица во Шведска
Според Секретаријатот за здравство на Сао Паоло.двајцата заболени непосредно пред приемот во болницата се вратиле од Германија каде што кај првиот била регистрирана опасната цревна инфекција. Врз пациентите беле направени потребните бактериолошки испитувања од резултатите ќе бидат познати во следните неколку дена.Бразилското министерство за здравство излезе со соопштение во кое бара патниците во Европа и САД, како мерка на претпазливост да се воздржат од јадење суров зеленчук и производи од животинско потекло. Според властите, во оваа фаза е исклучена појава на заразата во Бразил.Појавата на цревната инфекција првично беше регистрирана во северниот дел на Германија. ПРвично се претпоставуваче дека причинител за појавата на опасната бактерија се краставици од Шпанија, но оваа претпоставка не беше потврдена. Потоа експертите соопштија дека изворот на инфекцијата може да биде фарма во Долна Саксонија, која ги снабдува пазарите во земјата со соја и друг зрнест зеленчук.Во почетокот на јуни, експертите на Европскиот центар за контрола на болести и превенција објавија дека причината за болеста е реткиот вирус на ешерихија коли припаѓа на серотиповите (варијација на подвидови бактерии или вируси) – 0104: H4. Мутираната бактерија поради што луѓе умираат во Германија, не беше претходно позната, а таа е отпорна на многу антибиотици.Бактеријата ешерихија коли е често присутна во стомакот на човекот и топлокрвните животни. Повеќето од нејзините видови се безопасни, но некои видови, како што EHEC, може да предизвика сериозни симптоми. Симптомите на болести предизвикани од EHEC се крвава дијареа, треска и повраќање. Повеќето пациенти се опоравуваат во рок од десет дена, но кај мал број пациенти (деца и постари лица), болеста може да земе тешка форма којашто може да го загрози животот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелската армија пресретна ракета од Јемен, се огласија сирените

Израелската армија соопшти дека пресретнала ракета лансирана од Јемен кон Израел. Сирените се огласија во неколку области на земјата, соопшти претходно израелската војска.
Сирени се огласија и во некои делови на Ерусалим, соопштија новинарите на АФП.
Од почетокот на војната меѓу Израел и Хамас во октомври 2023 година, јеменските Хути, кои се врзани со Иран, продолжија да истрелуваат ракети врз Израел во знак на солидарност со Палестинците во Газа. Повеќето од проектилите на таа група биле пресретнати или неуспешни. Хутите не го коментираа последното лансирање ракета.
Свет
Американец со закана изнудил експлицитни снимки на 108 девојчиња, најмалото имало само пет години

Американецот Чејс Малиган се изјасни за виновен дека принудил најмалку 108 девојчиња на возраст од пет до 17 години да прават експлицитни видеа преку Интернет во период од четири години.
Малиган, како дел од договорот за признавање на вината со обвинителите, признал дека ги изнудувал таквите видеа од девојчињата заканувајќи се дека ќе ги објави видеата што веќе ги имал, ќе им каже на нивните родители или ќе ги нападне нивните семејства, пишува Вашингтон пост.
Повеќето од жртвите живеат во САД, но Малиган уценувал и девојчиња од Австралија, Канада, Данска, Шпанија, Обединетото Кралство и Филипините, комуницирајќи со нив преку „Снепчет“, „Инстаграм“, „Скајп“, „Дискорт“, „Роблокс“ и други апликации.
Истрагата почна во летото 2022 година, кога инспекторите дознале дека лице кое користи профил на „Снепчет“ експлоатирало две дванаесетгодишни девојчиња, како и петгодишно девојче во Тенеси.
Откако ја пронашле адресата, Малиган бил уапсен во неговиот дом во Мерлинед. На Малиган (28) му се заканува затворска казна од минимум 15, а најмногу 60 години за изнуда, експлоатација и производство на детска порнографија.
Регион
Разбиена криминална група за илегална миграција во Грција, правеле лажни пасоши и ги продавале за 600 евра

Уапсени се 23 лица осомничени за криумчарење илегални мигранти и фалсификување документи во Грција, а се уште се трага по 26 други членови на оваа криминална мрежа.
Оваа банда преку шверц и фалсификување заработила 4.865.200 евра, а меѓу уапсените е и водачот на групата, кој од почетокот на 2024 година правел лажни патни исправи за мигранти, јавува ЕРТ.
При претреси на четири локации во Атина и Пиреја, запленети се 4.831 лажни патни исправи во вредност од 68.000 евра, а идентификувани се 558 мигранти прошверцувани во ЕУ од оваа група.
Во зависност од тоа дали шверцувале мигранти по пат, море или воздушен пат, трошоците за превоз се движеле од 700 до 8.000 евра, додека фалсификуваниот документ чинел од 400 до 600 евра.