Брзото ширење на пожарот во американската сојузна држава Ново Мексико во понеделникот доведе до привремено затворање на Националната лабораторија во Лос Аламос, која за време на Втората светска војна претставуваше центар на развојот на американското нуклеарно оружје

Брзото ширење на пожарот во американската сојузна држава Ново Мексико во понеделникот доведе до привремено затворање на Националната лабораторија во Лос Аламос, која за време на Втората светска војна претставуваше центар на развојот на американското нуклеарно оружје, јавува Асошиетед прес повикувајќи се на локалните власти.Властите тврдат дека сите радиоактивни и опасни материјали се заштитени и огнот сé уште не се приближил до објектите на лабораторијата.Пожарот што избувна во неделата зафати веќе површина од околу 1.400 хектари од округот каде што се наоѓа лабораторијата.Властите на округот Лос Аламос претходно најавија доброволна евакуација на населбите, Лос Аламос и Вајт Рок. Жителите на повеќе од семејни 50 домови, како и вработените во лабораторијата добија инструкции да се евакуираат според однапред утврден редослед. Лабораторијата на Лос Аламос е основана во 1943 година. Во неа се вршени тајни активности за создавање на атомските бомби кои беа користени против Јапонија во 1945 година.Во моментов лабораторијата е една од најголемите американски центри за наука и технологија, во којашто се спроведуваат истражувања, меѓу кои и од сферата на обновливата енергија, вселената, медицината, суперкомпјутерската технологија, нанотехнологијата итн./крај/ап/сн