Гувернерот на авганистанската Централна банка се наоѓа во бегство, соопшти денеска кабинетот на претседателот Хамид Карзаи, со што ги потврди новинарските извештаи дека гувернерот Абдул Кадир Фитрат побегнал од земјата.

Гувернерот на авганистанската Централна банка се наоѓа во бегство, соопшти денеска кабинетот на претседателот Хамид Карзаи, со што ги потврди новинарските извештаи дека гувернерот Абдул Кадир Фитрат побегнал од земјата.„Се работи за бегство, не за оставка. Не беше испочитувана службената постапка. Тој повеќе не е гувернер, туку гувернер во бегство“, изјави портпаролот на кабинетот, Вахид Омар и додаде дека Фитрат никогаш не спомнал дека животот му е во опасност. Неколку часа претходно, американскиот Стејт департмент потврди дека Фитрат се наоѓа во Вашингтон. Според весникот Њујорк Тајмс, банкарот вчера во разговор со повеќе медиуми ја најавил својата оставка. Во изјавите дадени од Вашингтон, тој нагласил дека стравува за сопствениот живот поради обвиненијата за корупција и речиси извесното пропаѓање на првата приватна банка во земјата, „Кабул Банк“. /крај/хина/сс/