Свет
НАТО: Задачата на Алијансата не е да го уапси Гадафи

Задачата на НАТО не е да го уапси либискиот лидер Моамер ел-Гадафи и неговите соработници, но ним треба да им се суди за дела за кои се обвинети, оцени денеска Западната воена Алијанса.
Задачата на НАТО не е да го уапси либискиот лидер Моамер ел-Гадафи и неговите соработници, но ним треба да им се суди за дела за кои се обвинети, оцени денеска Западната воена Алијанса. НАТО, меѓудругото, соопшти дека воената интервенција во Либија ќе продолжи со засилен ритам. Меѓународниот кривичен суд во Хаг, вчера издаде налози за апсење на Гадафи, неговиот син Сеиф ал-Ислам и шефот на разузнавачката служба Абдулах ал- Сануси.„Издавањето на налозите за апсење е уште една порака која меѓународната заедница му ја упати на Гадафи: вашето место е во судницата, а не на власт во Либија“, изјави на прес конференцијата во Брисел, портпаролката на НАТО, Оана Лунгеску. Таа потенцира дека должноста на НАТО не е да го апси Гадафи и неговите соработници, туку да ги заштити цивилите во Либија, додека апсењето на либискиот водач треба да го спроведат надлежните служби. Портпаролката на Алијансата потсети дека целите на НАТО се јасни, а тоа е прекин на насилствата врз цивилното население, враќање на силите на Гадафи во касарните и слободен тек на хуманитарната помош. Лунгеску нагласи дека воениот, во комбинација со политичкиот притисок е она што може да придонесе за воспоставување на демократијата во Либија. крај/б/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во тек е украински воздушен напад врз Русија

Украински и руски извори на социјалните мрежи попладнево известуваат за обемен напад со украински проектили и дронови врз руска територија.
Според воените блогери од двете земји, во рускиот воздушен простор навлегле голем број дронови од различни типови и големини, како и повеќе далекуметни проектили, меѓу кои британските Storm Shadow и украинските Neptun и Flamingo.
❗️Flight of the 🇺🇦Peklo missile-drone in the sky over the 🇷🇺Bryansk region a few minutes ago https://t.co/XOQtR7dZ8j pic.twitter.com/K4abtmXYmF
— 🪖MilitaryNewsUA🇺🇦 (@front_ukrainian) October 21, 2025
На социјалните мрежи се појави и фотографија од украинскиот дрон „Пакao“, снимен над Брјанската област во Русија. Овој тип дрон има дострел до 700 километри, лета со брзина од околу 0,55 Мах и носи боева глава од 50 килограми.
Украинскиот канал Dronbomber на Телеграм објави карта што прикажува насока на движење на дроновите и проектилите од Украина кон Русија. На неа, црвените стрелки ги означуваат борбените дронови, сините дронови на млазен погон, а зелените крстосувачките ракети, дел од кои се насочени кон московската област.
Свет
Украина ја продолжи воената состојба и мобилизацијата за уште 90 дена

Украинскиот парламент одобри продолжување на воената состојба и општата мобилизација за уште 90 дена, односно до почетокот на февруари, по предлог на претседателот Володимир Зеленски.
Одлуката е изгласана со двотретинско мнозинство. Воената состојба, воведена по руската инвазија во февруари 2022 година, редовно се продолжува.
Мажите на возраст од 22 до 60 години и натаму не смеат да ја напуштаат земјата, освен во одредени исклучоци, додека забраната за оние од 18 до 22 години беше укината во август.
Свет
Трамп: Земјите од Блискиот Исток ми понудија да го средат Хамас, реков – не уште

Американскиот претседател, Доналд Трамп, изјави дека неколку блискоисточни земји и држави од поширокиот регион му понудиле да испратат војска во Појасот Газа за, како што рече, да го средат Хамас, доколку организацијата го прекрши договорот постигнат со американската администрација.
„Многу од нашите сојузници на Блискиот Исток со ентузијазам ми порачаа дека би влегле во Газа со силни трупи и би го средиле Хамас ако продолжи да делува лошо. Јас им реков: ‘Не уште!’“, напиша Трамп на платформата „Тру соушал“.
Тој додаде дека сè уште постои надеж Хамас да го исполни договорот, но предупреди дека ако не, крајот на Хамас ќе биде брз, жесток и брутален.
Во објавата Трамп посебно ја спомена Индонезија и нејзиниот одличен лидер за поддршката кон Блискиот Исток и САД.
Изјавата доаѓа во време на кревко примирје во Газа, постигнато со посредство на Египет и Катар, додека Вашингтон преговара со регионалните партнери за стабилизирање на состојбата и можно политичко решение на конфликтот.