Илјадници граѓани, четврти ден по ред, се собраа пред претседателството во Софија во попладневните часови, барајќи оставка од Владата и јавниот обвинител.

Демонстрантите скандираа „Оставка“, а протестот течеше мирно.

Еден од присутните рече дека излегол на протестот затоа што сака „оваа корумпирана влада да падне“. Друг граѓанин изјави оти протестира бидејќи владата на Борисов е мафија, пренесе „БГНЕС“.

Незадоволен граѓанин истакна дека се појавиле многу записи со непристојни содржини и тоа е доволно добра причина за да се протестира.

Протести се одржуваат и во други градови низ Бугарија.

Претседателот на Бугарија, Румен Радев синоќа во обраќање до нацијата побара оставки од Владата и од јавниот обвинител. Бугарскиот премиер, Бојко Борисов денеска изјави дека демократски начин за преземање на власта е на избори.

Рускиот производител на никел „Норилск никел” соопшти дека од неговиот цевковод на Арктикот истекле 44,5 тони гориво.

Инцидентот се случил кога дошло до пад на притисокот во цевководот за впумпување на гориво во околината на населбата Тухард.

Цевководот е затворен и се собира излеаното гориво, а производителот смирува дека нема опасност по здравјето на луѓето.

„Норилск никел” беше одговорна за инцидентот кон крајот на мај, кога 21.000 тони нафта од електраната протекоа во океанот.

Компанијата исто така призна дека исфрлила илјадници тони високо токсичен течен отпад во реките.

Според најновите податоци во изминатите 24 часа во Србија починале 11 лица, а новозаразени со ковид-19 се 287.

На распиратори моментално се наоѓаат 144 пациенти.

Бројот на смртни случаи предизвикани од коронавирус во Србија достигна 393, а стапката на смртност изнесува 2,14 проценти.

Изминатите 24 часа тестирани се 4.050 луѓе, а вкупно од почетокот на епидемијата во Србија тестирани се дури 491.428 лица.

Вкупниот број регистрирани случаи на вирусот во земјата е 18.360.