Свет
Швајцарија замрзна 31,8 милиони долари на Сирија

Швајцарската влада замрзна 27 милиони швајцарски франци (31,8 милиони американски долари) финансиски средства поврзани со сириското раководство на територијата на Швајцарија
Швајцарската влада замрзна 27 милиони швајцарски франци (31,8 милиони американски долари) финансиски средства поврзани со сириското раководство на територијата на Швајцарија, јавува во неделата Асошиетед прес повикувајќи се на портпаролот на Државниот секретаријат за економски работи на Швајцарија, Антје Берчи.Тој ги потврди информациите на локалните медиуми дека овие мерки биле преземени во рамките на новите санкции коишто Европската унија (ЕУ) ги донесе против сирискиот претседател Башар Асад и 22 други високи претставници на властите во Сирија. Во моментов во Швајцарија исто така се замрзнати средствата што им припаѓаат на агенции и припадници на режимот на либискиот лидер Моамер ел-Гадафи, во вредност од околу 767 милиони долари, како и 484 милиони долари на поранешниот претседател на Египет Хосни Мубарак и 70 милиони долари на поранешниот претседател на Тунис, Зине Ел-Абидине Бен Али.Новиот пакет санкции на ЕУ против раководството на Сирија стапи на сила на 24-ти јуни. Новиот пакет санкции претставува проширување на ткн. „рестриктивни мерки“. Листата вклучува четири компании од Сирија поврзани со безбедносните сили на земјата, како и функционери кои според ЕУ се одговорни за насилството врз цивилите. Меѓу нив се и роднини на претседателот на Сирија, Зулима Шалиш кого во ЕУ го сомничат дека е вклучен во примената на насилство против демонстрантите, и Ријад Шалиш кој има улога во обезбедувањето финансиска поддршка за властите во Сирија. Ним им е забранет влезот во земјите на ЕУ и замрзнати се нивните финансиски средства на територијата на Унијата. На „сириската“ листа исто така се вклучени и командантот на иранската Револуционерна гарда, Мохамед Али Џафари и двајцата негови заменици, кои според ЕУ ја снабдуваат Сирија со специјална опрема којашто била користена од страна на полицијата во сузбивањето на демонстрациите./крај/ап/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Медведев му одговори на Трамп: Знам само едно лошо нешто, а тоа е трета светска војна

Заменик-претседателот на Советот за безбедност на Русија, Дмитриј Медведев, се огласи по острите пораки на американскиот претседател, Доналд Трамп, за Русија и претседателот Владимир Путин.
„Што се однесува до зборовите на Трамп за тоа како Путин си игра со оган и како навистина лоши работи ѝ се случуваат на Русија, знам само едно навистина лошо нешто – тоа е трета светска војна. Се надевам дека Трамп го разбира ова!“, напиша Медведев на Телеграм.
„Она што рускиот претседател Владимир Путин не го разбира е дека, да не бев јас, многу навистина лоши работи веќе ќе ѝ се случеа на Русија; мислам, навистина лоши. Тој си игра со оган“, напиша Трамп на мрежата Truth Social.
Свет
Трамп: Одлуката за воведување царини од 50 отсто за ЕУ даде успех

Американскиот претседател, Доналд Трамп, изјави дека неговата одлука да воведе царина од 50 проценти врз Европската Унија била успех, тврдејќи дека тоа го поттикнало блокот да ги забрза преговорите, објави „Политико“.
„Исклучително сум задоволен од одредбата за царина од 50% за Европската Унија, особено затоа што тие ги одложуваат (благо речено!) нашите преговори со нив“, напиша Трамп на социјалната мрежа Truth Social.
„Информиран сум дека ЕУ повика брзо да се закажат датуми за состаноци. Ова е позитивен развој на настаните и се надевам дека, конечно, како што ја замолив Кина да го стори тоа, ќе ги отвори европските земји за трговија со Соединетите Американски Држави. „И двете (држави) ќе бидат многу среќни и успешни, ако го сторат тоа!!!“, додаде тој.
Изјавата доаѓа по релативното смирување на односите меѓу Брисел и Вашингтон, откако разговорот меѓу Трамп и претседателката на Европската комисија, Урсула фон дер Лајен, во неделата доведе до одложување на воведувањето царина од 50 проценти за сите европски стоки од 1 јуни до 9 јули.
Разговорот означи позитивен пресврт во преговорите меѓу двете страни, по месеци растечко европско незадоволство од неуспехот на Вашингтон да ги прифати предлозите на блокот и наместо тоа да бара еднострани отстапки.
„Разговорот меѓу Трамп и фон дер Лајен во неделата даде нов импулс на преговорите меѓу двете страни“, изјави вчера Паула Пињо, главната портпаролка на Европската комисија.
„И ќе продолжиме оттаму“, рече Пињо. „Позитивно е да се види дека има ангажман и на претседателско ниво, а од наша страна секогаш сме велеле дека сме подготвени да постигнеме договор.“
Свет
Кенеди Џуниор: Вакцините против коронавирус повеќе не се препорачуваат за здрави деца и бремени жени

Американскиот секретар за здравство, Роберт Ф. Кенеди Џуниор, објави дека вакцините против коронавирус повеќе не се препорачуваат за здрави деца и бремени жени.
Во видео објавено на социјалната мрежа X, Кенеди рече дека ја отстранил препораката од Центрите за контрола и превенција на болести (CDC) за вакцинирање на здрави деца и бремени жени против коронавирусот. Американските здравствени службеници, следејќи ги препораките на експертите за заразни болести, досега охрабруваа годишна вакцинација против коронавирус за сите Американци над шест месеци.
Советодавниот панел на ЦДЦ е закажан да се состане во јуни за да даде препораки за есенска вакцинација. Сепак, Кенеди одлучи дека нема да чека на тие препораки. Тој предупреди дека се препорачуваат годишни вакцини против коронавирус за деца „и покрај недостатокот на какви било клинички податоци“ за да се поддржи таа одлука.
Кенеди и други претставници на администрацијата на Трамп се обидуваат да ги стеснат препораките за вакцина против Ковид-19 и да додадат ограничувања за одобрување на вакцината.