Свет
Швајцарија замрзна 31,8 милиони долари на Сирија

Швајцарската влада замрзна 27 милиони швајцарски франци (31,8 милиони американски долари) финансиски средства поврзани со сириското раководство на територијата на Швајцарија
Швајцарската влада замрзна 27 милиони швајцарски франци (31,8 милиони американски долари) финансиски средства поврзани со сириското раководство на територијата на Швајцарија, јавува во неделата Асошиетед прес повикувајќи се на портпаролот на Државниот секретаријат за економски работи на Швајцарија, Антје Берчи.Тој ги потврди информациите на локалните медиуми дека овие мерки биле преземени во рамките на новите санкции коишто Европската унија (ЕУ) ги донесе против сирискиот претседател Башар Асад и 22 други високи претставници на властите во Сирија. Во моментов во Швајцарија исто така се замрзнати средствата што им припаѓаат на агенции и припадници на режимот на либискиот лидер Моамер ел-Гадафи, во вредност од околу 767 милиони долари, како и 484 милиони долари на поранешниот претседател на Египет Хосни Мубарак и 70 милиони долари на поранешниот претседател на Тунис, Зине Ел-Абидине Бен Али.Новиот пакет санкции на ЕУ против раководството на Сирија стапи на сила на 24-ти јуни. Новиот пакет санкции претставува проширување на ткн. „рестриктивни мерки“. Листата вклучува четири компании од Сирија поврзани со безбедносните сили на земјата, како и функционери кои според ЕУ се одговорни за насилството врз цивилите. Меѓу нив се и роднини на претседателот на Сирија, Зулима Шалиш кого во ЕУ го сомничат дека е вклучен во примената на насилство против демонстрантите, и Ријад Шалиш кој има улога во обезбедувањето финансиска поддршка за властите во Сирија. Ним им е забранет влезот во земјите на ЕУ и замрзнати се нивните финансиски средства на територијата на Унијата. На „сириската“ листа исто така се вклучени и командантот на иранската Револуционерна гарда, Мохамед Али Џафари и двајцата негови заменици, кои според ЕУ ја снабдуваат Сирија со специјална опрема којашто била користена од страна на полицијата во сузбивањето на демонстрациите./крај/ап/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Морето се повлече пред надоаѓањето на цунамито, застрашувачки снимки од Чиле по земјотресот

На јужниот брег на Чиле, морето се повлече пред пристигнувањето на цунамито по силниот земјотрес со јачина од 7,5 степени според Рихтеровата скала.
Се работи за водена површина помеѓу најјужниот врв на Јужна Америка – Кејп Хорн и Јужните Шетландски Острови на Антарктикот.
🟢 CHILE |
Hay alerta de Tsunami para las costas de #Chile, luego de un sismo de 7.5 grados.
El mar se ha retirado en algunos sectores
Video TVN pic.twitter.com/LZ5wzXe2v5
— SomosEstrategia (@SomosEstrategia) May 2, 2025
Властите издадоа итно предупредување за цунами, поради што беше наредена евакуација.
Покрај жителите на Магаланес, се евакуираат и жителите на Пунта Аренас и Пуерто Наталес. На жителите на овие населби им било наредено да се оддалечат од брегот.
Според првите проценки, се очекува цунами високо меѓу еден и три метри да го надмине брегот.
Врз основа на прелиминарните параметри на земјотресот, можни се опасни бранови од цунами на бреговите кои се наоѓаат на 300 километри од епицентарот на земјотресот.
Чилеанската хидрографска и океанографска служба процени дека во наредните часови брановите ќе стигнат до Антарктикот, а потоа и до градовите на крајниот југ на Чиле.
Претседателот на Чиле, Габриел Бориц повика на итна евакуација на населението.
Инаку, според податоците на чилеанската агенција за катастрофи (Сенапред), повеќе од 1.700 луѓе се евакуирани на повеќе локации во ретко населената област, меѓу кои 1.000 од градот Пуерто Вилијамс и 500 од Пуерто Наталес.
Околу 32 лица се евакуирани од чилеанските истражувачки бази на Антарктикот.
Сенапред издаде највисоко ниво на тревога за катастрофи, што значи дека сите ресурси ќе бидат мобилизирани за да се одговори.
Локалните медиуми јавуваат дека повикот за евакуација во безбедни подрачја, лоцирани на 30 метри надморска височина, е мерка на претпазливост.
Свет
„Мерцедес“ се заби во група пешаци во Штутгард

Автомобил „мерцедес“ денеска удри во група луѓе на пешачки премин во центарот на Штутгарт, Германија, при што се повредени неколку лица, соопшти полицијата која го уапсила возачот.
Инцидентот се случил околу 17:50 часот на фреквентна крстосница со повеќе ленти во центарот на Штутгарт.
Според првичните информации, „мерцедесот“ удрил во група пешаци на пешачкиот премин кај трамвајската станица Олгаек. Иако првично беше објавено дека се повредени три лица, подоцна беше соопштено дека се повредени осум, а тројца се сериозно повредени.
Спасувачите се присутни на местото на настанот за да им помогнат на повредените.
Очевидци изјавија дека тешко теренско возило удрило во жена која носела количка. Фотографиите од местото на несреќата покажуваат уништена количка на трамвајските шини.
Се уште не е јасно дали возачот намерно удрил во пешаците.
„Истрагата се движи во сите правци“, изјави портпаролката на полицијата.
Областа околу раскрсницата е затворена за полицијата и службите за итни случаи, а градските и метро линиите се суспендирани до понатамошно известување.
Возачот на „мерцедесот“ е уапсен.
Регион
Тројца Хрвати продавале лажно злато на златари во Германија

Тројца Хрвати се осомничени за измама во областа Лудвигсбург и Баден-Баден, пренесува Феникс. Полицијата ги сомничи дека продавале лажно злато и со тоа сториле кривично дело.
Мажите на возраст од 49, 53 и 65 години се во притвор од минатиот петок. Тие се осомничени дека минатата недела најмалку три пати продавале накит, кој бил речиси безвреден, на златарници и трговци со злато.
Тројцата осомничени биле уапсени откако златар од Лудвигсбург минатата недела го прегледал претставениот накит и сфатил дека станува збор за бижутерија, а не за злато.
Наводно, 65-годишниот осомничен потоа ја вратил нараквицата во џеб и побегнал. При последователната проверка на 65-годишниот и неговите двајца помагачи, што ја извршиле службите за итна помош на Линденштрасе, бил запленет повеќе безвреден накит, по што мажите привремено биле уапсени.
„Понатамошните истраги открија докази дека истите осомничени веќе измамиле купувач на злато и златар неколку часа претходно во Вајхинген ан дер Енц и еден ден претходно во Баден-Баден“, соопшти полицијата.
На барање на државното правобранителство во Штутгарт денеска пред судијата на судот во Лудвигсбург се изведени тројца мажи со хрватско државјанство. Судијата издал налог за апсење и ги ставил во притвор. Истрагата е во тек.