Свет
Бројката загинати во железничката несреќа во Индија се искачи на 67

Најмалку 67 лица загинаа, меѓу нив и двајца Швеѓанци, а повеќе од 200 се повредени во вчерашната железничка несреќа во Индија, соопштија во понеделникот официјалните власти.
Најмалку 67 лица загинаа, меѓу нив и двајца Швеѓанци, а повеќе од 200 се повредени во вчерашната железничка несреќа во Индија, соопштија во понеделникот официјалните власти.Десетина вагони од преполнетиот воз во неделата излетаа од шините во сојузната индиска држава Утар Прадеш во северна Индија, „Досега ги извлековме телата на 67 настрадани, и мислиме дека сé уште има патници во смачканите вагони“, изјавил полковникот Дхилон за AFP. Трагедијата се случи во областа на Атехпур, кога од засега неутврдени причини 14 вагони излетале од шините. Возот сообраќал на линијата од индиската престолнина Њу Делхи до градот Ховрах во сојузната држава Западен Бенгал.Повеќе од 200 полицајци и војници од локалниот гарнизон учествуваат во спасувачката операција. Властите почнаа истрага за причините за трагедијата, се дополнува во информацијата на индиската телевизија.Индиската агенција PTI јави дека двајцата шведски државјани патувале од Калкута за Њу Делхи. Во возот имало околу илјада патници а тој се движел со брзина од 108 километри на час. Причините за несреќата не се познати, но локалните медиуми наведуваат дека машиновозачот, кој и самиот е повреден, ја активирал кочницата за да не се судри во стока која лежела на шините. Минатиот четврток 38 луѓе ги загубија животите во друга железничка несреќа во Утар Прадеш, кога воз налета на автобус со сватови. Индиската државна железница уште е главното сообраќајни средство во земјата и со неа дневно се превезуваат околу 18,5 милиони патници. Меѓутоа, поради необновување и непочитување на безбедносните прописи, железничките несреќи се многу чести. Најтешката ваква несреќа во Индија се случи во 1981 година, кога воз падна во река во источната држава Бихар, кога загинаа 800 лица./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Дер Шпигел“: Зеленски ја прекина посетата на Германија поради можна руска инвазија на Суми

Украинскиот претседател Володимир Зеленски не присуствуваше на доделувањето на наградата Карло Велики во германскиот град Ахен. Според весникот „Дер Шпигел“, причината за промената на планот е заканата од руска инвазија на Суми, па претсеедателот отпатувал директно од Берлин до Киев.
Пред две години тој лично ја доби наградата Карло Велики во Ахен. Зеленски овојпат планираше да учествува на церемонијата на доделувањето, која и беше врачена на претседателката на Европската комисија, Урсула фон дер Лајен. Меѓутоа, според германските медиуми, неговите планови за патување наеднаш се промениле.
Поради сериозната ситуација во Украина, Зеленски не летал од Берлин за Дизелдорф и оттаму за Ахен, туку, според безбедносни извори, се вратил директно во Киев.
Според украински извори, Русија собрала околу 50.000 војници за можна офанзива на регионот во североисточниот дел на Украина.
Украинскиот претседател разговараше со канцеларот Фридрих Мерц и доби нови ветувања за воена помош. Зеленски се сретна и со претседателот на Сојузна Република Германија Франк-Валтер Штајнмаер и со претседателката на Бундестагот Јулија Клекнер. Околу 20:00 часот, по повеќе од единаесет часа поминати во Берлин, владиниот авион со делегацијата на Зеленски повторно полета кон исток.
Свет
НАТО цели кон зголемување на бригдите за околу 50 отсто, тврди воен претствник

НАТО ќе побара од Германија да обезбеди уште седум бригади, односно околу 40.000 војници, за одбрана на Алијансата, во рамките на новите цели за вооружување и бројот на војници за кои министрите за одбрана на земјите-членки ќе се договорат следната недела, пренесува Ројтерс повикувајќи се на извори.
Неименуван висок воен претставник рече дека целта на земјите-членки на НАТО во иднина ќе биде да обезбедат меѓу 120 и 130 бригади.
Тоа би значело зголемување за околу 50 отсто во однос на сегашната цел од околу 80 бригади, вели изворот.
Портпаролот на Министерството за одбрана во Берлин рече дека не може да потврди какви одлуки ќе донесат министрите за одбрана на НАТО следната недела, како и лидерите на НАТО на самитот во Холандија на крајот на јуни.
„Покрај тоа, целите на планирањето и капацитетот на силите на НАТО се доверливи од безбедносни причини“, додаде портпаролот.
НАТО не одговори веднаш на барањата за коментар. Во 2021 година, Германија се согласи да обезбеди десет бригади единици, кои обично броjат околу 5.000 војници, за НАТО до 2030 година, а моментално има осум бригади и гради деветта во Литванија, која ќе биде готова од 2027 година.
Се проценува дека обезбедувањето дополнителни 40.000 активни војници ќе биде голем предизвик за Берлин, бидејќи германските вооружени сили, Бундесверот, сè уште не ја исполниле целта од 203.000 војници поставена во 2018 година, а според податоците на германското Министерство за одбрана, моментално имаат недостиг од околу 20.000 редовни војници.
Свет
Аргентинскиот претседател досега укина 48.000 работни места во јавниот сектор

Аргентинскиот претседател Хавиер Милеи тврди дека речиси 48.000 вработени во јавниот сектор во Аргентина се отпуштени откако неговата администрација ја презеде функцијата пред 17 месеци, пишува Буенос Аирес Тајмс.
Севкупно, бројот на вработени беше намален за 9,6 отсто како дел од таканаречената политика за штедење на Милеи со „моторна пила“, еден од неговите главни пристапи за управување.
Ова резултираше со годишни заштеди од околу 1,89 милијарди американски долари (1,67 милијарди евра), според извештајот на Министерството за дерегулација и државна трансформација објавен оваа недела. Околу 942 милиони долари (834 милиони евра) се однесуваат на неисплатени плати, а слична сума се припишува на „инфраструктурните трошоци на работното место“.
Не е јасно дали таа сума ги вклучува трошоците за отпремнина на отпуштените работници.
Најголеми намалувања се забележани во Националната јавна администрација и државните претпријатија
Според извештајот доставен од единицата за оцена на влијанието на Министерството, меѓу декември 2023 година, првиот месец на функцијата на Милеи, и април 2025 година, 47.925 работни места биле отстранети од државниот платен список.
Анализирајќи ги податоците, најголеми намалувања се забележани во Националната јавна администрација (АПН) и државните претпријатија, со пад од 13,7 отсто, односно 16,4 отсто.
Бројот на постојани и привремено вработени опадна за осум проценти, додека бројот на лица вработени според Рамковниот закон се намали за 20 проценти, а бројот на хонорарци се намали за 55,2 проценти.
Министерството за дерегулација и трансформација на државата изјави дека овие податоци „ја одразуваат заложбата на Владата за намалување на јавната потрошувачка и решеноста да ги исполни ветувањата за ефикасност и заштеди во јавната администрација.
Министерството, на чело со Федерико Стурценегер, рече дека пристапот на Милеи со „моторна пила“ ќе биде засилен оваа година со дополнително намалување на несуштинските одделенија.
На натамошните отпуштања веројатно ќе се спротивстават вработените во јавниот сектор, од кои многумина излегоа на улиците оваа година во знак на протест против мерките за штедење. Синдикалните организации организираа серија генерални штрајкови откако Миллеи дојде на власт во декември 2023 година.
Минатата година земјата го забележа првиот буџетски суфицит по една деценија, а неконтролираната инфлација значително падна, но куповната моќ, вработеноста и потрошувачката паднаа.