Свет
Откриен смртоносен вид гонореја
Јапонските научници откриле вид гонореја кој е отпорен на сите препорачани антибиотици и предупредија дека тоа може од бактериската инфекција која некогаш лесно се лечеше да направи глобална здравствена закана.
Јапонските научници откриле вид гонореја кој е отпорен на сите препорачани антибиотици и предупредија дека тоа може од бактериската инфекција која некогаш лесно се лечеше да направи глобална здравствена закана. Новиот сој на оваа сексуално пренослива болест наречен H014 не реагира на ниеден од препорачаните лекови за гонорејата, од што лекарите немаа друга можност освен да се обидат со лекови коишто досега не се тестирани.Магнус Унемо од референтната лабораторија за патогени бактерии во Шведска, кој го откри овој вид заедно со неговите колеги од Јапонија во примероци од градот Кјото, го опишува како „загрижувачки“, но според него и „очекуван“.„Откако антибиотиците станаа стандардно средство за лекување на гонорејата во 1940-те години, оваа бактерија покажа восхитувачка способност за развивање механизам на отпорност на сите лекови кои се воведени за да се стави под контрола“, вели Унемо.Гонорејата или попознат меѓу народот како трипер, е сексуално пренослива болест која е предизвикана од бактеријата neisseria gonorrhea. Доколку не се лекува предизвикува воспаление на карлицата, вонматерична бременост и неплодност. Таа е една од најчестите сексуално преносливи болести, за во светски рамки годишно се регистрираат 700 илјади случаи/крај/ро/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Жителите на Нови Пазар утрово ги разбуди слаб земјотрес, известуваат медиумите во Србија.
Јачината на земјотресот е 2,5 степена според Рихтеровата скала, а е регистриран во 7.37 часот.
Се проценува дека интензитетот на ударот во епицентарот е III-IV од Меркалиевата скала.
Свет
Генералното собрание на ОН би требало да ја поддржи кандидатурата на Палестина за членство
Генералното собрание на Обединетите нации денеска треба да ја поддржи палестинската кандидатура за полноправно членство во ОН со тоа што ќе ја признае како квалификувана за членство и ќе го испрати барањето назад до Советот за безбедност на ОН „да го преиспита прашањето во корист на Палестинците“.
Палестинците ја оживуваат својата кандидатура за полноправно членство во ОН, кое декларативно би ја признало палестинската држава, откако САД ставија вето во 15-члениот Совет за безбедност на ОН минатиот месец.
Гласањето на Генералното собрание од 193 члена се смета за испитување на светското мислење за палестинското прашање. Барањето за полноправно членство во ОН прво мора да биде одобрено од Советот за безбедност, а потоа и од Генералното собрание.
Но, иако самото Генерално собрание не може да даде полноправно членство во ОН, нацрт-резолуцијата за која се гласа денеска ќе им даде на Палестинците некои дополнителни права и привилегии од септември 2024 година, како што е место меѓу членките на ОН во собраниската сала, но тие нема да имаат право на глас во телото.
Дипломатите велат дека нацрт-текстот најверојатно ќе ја добие поддршката потребна за усвојување.
Свет
Двајца скијачи загинаа во лавина во САД, третиот успеал да се ископа од снегот
Откако вчера започна лавина во планините покрај Солт Лејк Сити, Јута, двајца скијачи загинаа, додека властите успеаја да спасат трет со хеликоптер.
Несреќата се случила во близина на Лон Пик, каде неодамна паднаа над 76 сантиметри снег. Центарот за лавина во Јута (UAC) ја потврди смртта на двајца мажи. Спасувачите досега не можеа да стигнат до нивните тела поради небезбедни услови. Центарот наведува дека фаталните лавини се ретки во овој период од годината.
Спасувачите со хеликоптер стигнале на местото на несреќата во кањонот Литл Котонвуд и потврдиле дека двајца скијачи загинале, пишува Би-би-си.
Третиот скијач успеал да се ископа од лавината и бил пренесен во болница. Имињата на загинатите мажи се уште не се објавени, но станува збор за скијачи на возраст од 23 и 32 години. Едниот бил од Јута, додека другиот пристигнал да скија од друга американска држава.