Свет
Авганистанскиот претседател Карзаи присуствуваше на погребот на убиениот брат

Авганистанскиот претседател Хамид Карзаи липтал и го бакнувал лицето на својот мртво полубрат во присуство на илјадници сонародници присутни на погребот на Ахмед Вали Карзаи во средата, пренесуваат локалните медиуми
Ахмед Вали Карзаи еден од најмоќните и најконтроверзни личности во немирниот авганистански југ, претседател на провинцискиот Совет на Народните претставници на провинцијата Кандахар, во вторникот во дворот од неговата куќа беше убиен од шефот на неговото лично обезбедување и долгогодишниот семеен телохранител, претседател на провинцискиот Совет на Народните претставници на провинцијата Кандахар, Мохамад Сардар.Сардар го застрелал Ахмед Вали Карзаи од автомат „калашников“. Два куршума го погодиле полубратот на претседателот Хамид Карзаи во градите и во стомакот. Убиецот веднаш бил застрелан од страна на другите телохранители на Вали Карзаи.Претставникот на талибаните, Јусуф Ахмади веднаш по убиството за AFP изјави дека талибаните ја преземаат одговорноста за атентатот. Ахмади додаде дека талибаните неодамна го задолжиле својот припадник Мохамад Сардар да го убие Ахмад Вали Карзаи.И покрај тоа што талибаните ја преземаа одговорноста за ликвидацијата на Вали Карзаи, авганистанските власти сé уште не се сигурни дека ова радикални исламистичко движење е инволвирано во неговата егзекуција. Претседателот Хамид Карзаи кој во Кандахар долета само неколку часа по убиството, денеска ја предводел погребната поворка од неколку илјади луѓе кои под извонредно високи мерки на обезбедување се движела низ центарот на градот до Карза, селото од кое потекнува племето Карзаи, оддалечено дваесеттина километри. Претседателот на Авганситан биле опкружен со членовите на семејството и некои од највлијателните авганистански челници, меѓу кои бил Ѓул Агу Шерзаи, актуелен гувернер на покраината Нангахар, кој се споменува како еден од најизвесните наследници на неофицијалната титула што ја носеше Вали Карзаи – владетел на јужен Авганистан. Како што пренесуваат авганистанските медиуми, претседателот Карзаи клекнал покраj гробот на својот брат држејќи ја неговата рака гушејќи се во солзи, сé додека не го подигнале неговите соработници, предупредувајќи го дека телевизиските камери го снимаат секое негово движење. Моќта на Вали Карзаи не доаѓаше од неговата формална позиција на претседател на провинцискиот Совет на Народните претставници на провинцијата Кандахар, кое според уставот има многу ограничено влијание, туку потекнуваше од неговите племенски и семејни врски и богатството што го поседуваше. Тој беше обвинуван за трговија со опиум, заплашување на ривалите и добрите односи со американската ЦИА, што порано беше демантирано од двајцата браќа. Според западните аналитичари, неговото убиство остава голема празнина на авганистанскиот југ каде власта главно се распоредува според племенските поврзаности и го отвора проблематичното прашање на неговиот наследник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп најави проштална конференција со Маск: „Илон е одличен“

Американскиот претседател Доналд Трамп го пофали Илон Маск и рече дека во петок во Овалната соба ќе одржи прес-конференција со милијардерот, чиј мандат во администрацијата завршува.
„Ова ќе биде неговиот последен ден, но не навистина, бидејќи тој секогаш ќе биде со нас, помагајќи ни на секој чекор“, рече Трамп во објавата на Truth Social. „Илон е одличен!
Маск во средата објави дека се повлекува од функцијата во Белата куќа, обезбедувајќи им утеха на инвеститорите на „Тесла“ откако акциите паднаа оваа година делумно поради реакциите поради неговата поддршка за Трамп и десничарските партии во Европа.
Милијардерот го предводеше таканаречениот Оддел за владина ефикасност на Трамп, со задача да ги намали федералните трошоци.
Свет
Нов пресврт, царините на Трамп остануваат во сила

Царините што ги воведе администрацијата на Доналд Трамп, а кои претходно оваа недела беа укинати од Трговскиот суд на САД, привремено ќе бидат вратени додека трае жалбената постапка низ судскиот систем, одлучи Сојузниот жалбен суд.
Одлуката доаѓа откако панел од тројца сојузни судии заклучи дека Трамп ги надминал своите овластувања со воведувањето на глобалните царини, повикувајќи се на закон што овозможува итни мерки во надворешнотрговската политика.
На почетокот на годината Трамп воведе универзална царина од 10 отсто за речиси сите увозни производи. Најави уште повисоки стапки за земји како Мексико, Канада и Кина. Ги прошири таканаречените индустриски тарифи со дополнителни 25 отсто за челик, алуминиум и автомобили.
Трговскиот суд пресуди дека претседателот нема законско овластување да наметнува огромни тарифи врз основа на Законот за меѓународни економски овластувања за вонредни состојби (IEEPA). Пресудата не вклучува индустриски царини, кои почиваат на друга правна основа.
Белата куќа веднаш поднела жалба, а Апелациониот суд за Федералното подрачје одобри привремено задржување на пресудата:
„Барањето за привремено одлагање се уважува до степен до кој пресудите и трајните забрани на Стопанскиот суд се привремено прекинати до дополнително известување, додека овој суд го разгледува жалбениот предмет“, се вели во одлуката.
Тоа значи дека тарифите на Трамп остануваат во сила додека трае процесот на жалба.
Иако привременото враќање на тарифите е победа за Белата куќа, правната битка е далеку од завршена. Одлуката на судот за привремената суспензија не го прејудицира конечниот исход, но му дозволува на Трамп да задржи инструмент за трговски притисок додека трае правниот процес.
Питер Наваро, еден од најблиските економски советници на претседателот Доналд Трамп, ја коментираше оваа одлука набргу по нејзиното донесување и рече – „Трифната агенда на Трамп не успорува, без оглед на правните пречки“.
Говорејќи откако Апелациониот суд привремено ги врати тарифите претходно укинати од Трговскиот суд, Наваро рече дека Белата куќа е подготвена да оди пред Врховниот суд за да ја брани уставноста на своите трговски политики.
„Подготвени сме да одиме понатаму во ланецот“, рече Наваро, јасно укажувајќи дека Врховниот суд останува клучна фаза во одбраната на овластувањето на претседателот да наметнува тарифи.
Свет
Белата куќа му се заблагодари на Илон Маск за неговата работа

Беелата куќа му се заблагодари на Илон Маск за неговата услуга, откако милијардерот објави дека ја прекинува својата вклученост во администрацијата на претседателот Доналд Трамп, изјави портпаролката на претседателот.
„Му благодариме за неговата работа. Му благодариме што го основаше DOGE (кратенка од неговиот Оддел за владина ефикасност), а напорите за намалување на измамите и злоупотребата ќе продолжат“, им рече на новинарите портпаролката на Белата куќа, Керолин Левит.
Таа одби дополнително да коментира за заминувањето на милијардерот кој оваа недела првпат го критикуваше неговиот близок сојузник Трамп.
Маск вчера потврди дека ја завршува својата мисија за намалување на федералните трошоци.
„Како што завршува мојот мандат како специјален вработен во владата, би сакал да му се заблагодарам на претседателот Доналд Трамп што ми даде можност да ги намалам непотребните трошоци“, напиша претприемачот во средата на својата платформа за социјалните медиуми „Икс“.
„Мисијата Doge ќе стане уште посилна во иднина и ќе стане начин на живот во владата“, рече шефот на „Тесла, „Слејс Икс“ и „Икс“.
Членовите на администрацијата на Трамп ќе работат со персоналот на DOGE во различни федерални агенции за да ги унапредат постоечките напори, објави во четвртокот Белата куќа.
Министрите тесно соработуваа со Илон Маск и ќе продолжат да соработуваат со вработените во DOGE кои им се приклучија на сите овие агенции откако беа назначени од претседателот, изјави Левит за новинарите.