Во Кина во вторникот наутро се погубени двајца поранешни заменици на градоначалници во два града во источниот дел од земјата, правосилно се осудени на смрт поради примање мито во милионски доларски суми, пренесува Синхуа повикувајќи се на соопштение на кинескиот Врховен суд

Ксу Маијонг поранешниот заменик на градоначалникот на градот Ханжу, и Џијанг Ренџи, заменик на градоначалникот на Сужу, се осудени на смрт поради примање мито и злоупотреба на службената положба.Ксу ја искористил својата положба и службените овластувања за да мести извршители во јавните набавки и помогнал на претпријатија и поединци противзаконски да се стекнат со имот, напредувања и даночни олеснувања“, го цитира Синхуа соопштението на кинеските судски власти.Ксу Маијонг примил околу 22,4 милиони долари мито, а уште околу седум милиони долари испумпал од јавните претпријатија и низ постапки на наддавање во јавните набавки, додава агенцијата.Џијанг Ренџи примал исто така мито, меѓу кои и повеќе од 18 милиони долари во готовина од инвеститори во големи градежни проекти/Двајцата функционери се жалеа на пресудите, но сите повисоки судски инстанци ја потврдија првостепената казна.