Свет
УНИЦЕФ сопре го сопре воздушниот мост за помош на Сомалија

Фондацијата за помош на децата при Обединетите нации (УНИЦЕФ) соопшти дека го суспендира воздушниот мост за доставување помош во храна за со сушата погодените региони во Сомалија, поради „логистички“ проблеми
„Ние би сакале да продолжиме со испораката на помошта во храна преку воздушниот мост за Сомалија, но постојат логистичка попречувања со кои треба прво да се справиме за да можеме да го направиме тоа. Сочувствуваме со страдањето на децата, но во овој момент можеме да направиме малку за да им помогнеме“, изјави Оливија Јамби, претставник на светската организација за деца во кениската престолнина НајробиОваа реакција доаѓа откако десетина деца умреа од глад во бегалскиот камп Хувадаг во северниот дел од регионот на Могадишу, главниот град на Сомалија.Истовремено, некои од хуманитарните организации активни на ова подрачје се обидуваат да добијат и да достават итна помош во Сомалија, каде 10 милиони луѓе се во очајна ситуација и им е потребна итна помош поради недостигот од храна што се должи на незапаметената суша што го зафати овој регион. Хуманитарните здруженија проценуваат дека илјадници луѓе секојдневно се движат кон Могадишу но и оти во главниот град на Сомалија резервите од храна веќе се исцрпени. Поради тоа, како што се наведува од страна на хуманитарната организација на Обединетите нации, се создаваат големи немири и кражби на храната. Според тоа, најслабите и најчувствителните групи од погоденото население остануваат без основните животни продукти. Сушата на Рогот од Африка, најголемата во последните шест децении, веќе однесе десетици илјади животи и им се заканува на 12 милиони луѓе во Сомалија, Кенија, Етиопија, Џибути, Судан и Уганда.Особено е тешка ситуацијата во Сомалија, каде Обединетите нации прогласија глад во две покраини на југот од земјата, кои се под контрола на исламистичките бунтовници од движењето Ал Шебаб. Бунтовниците им го забрануваат пристапот на некои од хуманитарните организации кои се обидуваат да достават помош до тамошното население.Обединетите нации пред десет дена започнаа со воздушен дотур на помош во храна во региони под контрола на сомалиските бунтовници, а исламистите се согласија да им дозволат на хуманитарните работници слободен пристапПознавачите на состојбите на Рогот на Африка сметаат дека промената на односот на исламистичките бунтовници се должи на стравот дека ако продолжат со забраната ќе дојде до бунт против нив. Други, пак, тврдат дека се работи за големи суми дадени како поткуп на нивните лидери.Сомалија нема ефективна влада повеќе од две децении, со што состојбата во оваа пресиромашна африканска земја уште повеќе се влоши, особено откако сушите сé почесто напаѓаат. Исламистичките бунтовници, наречени Ал Шабааб, кој се во тесна врска со Ал Каеда, контролираат делови од престолнината Могадишу и огромни пространства од јужна и централна Сомалија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Јас сум претседател-медијатор, сакам да решавам војни

Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.
Свет
Трамп неодлучен за испорака на ракетите „ Томахавк“ на Украина

Како што објави „Гардијан“, американскиот претседател покажа двоумење во врска со испораката на Томахавк во Украина, велејќи: „Една од причините зошто сакаме да ја завршиме оваа војна е… не ни е лесно да ви дадеме… огромни количини многу моќно оружје… Се надеваме дека нема да им требаат. Се надеваме дека можеме да ја завршиме војната без да размислуваме за ракетите Томахавк“.
„Ќе зборуваме за ракетите Томахавк и многу повеќе би сакале да не им требаат тие ракети. Искрено, многу повеќе би сакале војната да заврши. Бидејќи, знаете, ние сме тука за војната да заврши… Продаваме многу различни видови оружје, како што знаете, на Европската Унија. Не сме тука за тоа. Ние сме тука за војната да заврши“, продолжи тој.
Во одговор на прашање од новинар, украинскиот претседател Володимир Зеленски, претходно изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
Свет
Зеленски: Подготвени сме на Америка да ѝ понудиме дронови во замена за „Томахавк“ ракети

Во одговор на прашање од новинар, украинскиот претседател Володимир Зеленски изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
На прашањето дали таков договор би го интересирал, поранешниот американски претседател Доналд Трамп одговори: „Да, би нè интересирал. Во моментов имаме многу дронови – ги произведуваме сопствените, но купуваме и од други, а Украинците произведуваат многу добри дронови.“
Трамп беше прашан и што мисли за тоа Украина да употребува ракети за напад подлабоко во Русија. „Ќе разговараме за тоа“, рече тој.
„Тоа е ескалација, но ќе разговараме за тоа“.
Украина бара од САД да испорачаат ракети „Томахавк“ кои можат да погодат цели на оддалеченост од речиси 2.000 километри.