Најмалку 25 лица, меѓу кои и политички активисти, се убиени последните два дена, а многу други се повредени во етнички судири во различни делови на Карачи.

Најмалку 25 лица, меѓу кои и политички активисти, се убиени последните два дена, а многу други се повредени во етнички судири во различни делови на Карачи.Осум лица беа убиени во понеделникот, а 17 загинаа во неделата, соопштија во денеска пакистанските безбедносни служби. Меѓу жртвите повеќето се активисти на движењето Мутахида Кауми (Muttahida Qaumi Movement – MQM) и Пакистанската народна партија (Pakistan People’s Party – PPP).Во меѓувреме, вооружени лица заплениле десетина возила и заземаа неколку хотели во различни делови на градот, додека 80 мотоцикли се запалени во Сохраб Гот, индустриската зона на најнаселената пакистанска метропола.Денеска во квартот Солџер Базар биле запалени камион на електричната компанија од Карачи и возила на „Карачи метрополитен“ корпорацијата, како и повеќе приватни автомобили.Во јули во Карачи се убиени околу 200 лица, што е најсмртоносниот месец последните две децении, цитира Reuters извори од локалната полиција. Според локалните власти, засега не е јасно што директно го предизвика последниот бран насилство, кој започна во западниот дел на градот.Убиствата се случуваат во разни делови од градот. Неидентификувани вооружени лица, кои припаѓаат, според написите во локалниот печат, на спротиставени етнички и политички групи, отвораат оган врз автомобили, комбиња, па дури и автобуси од градскиот сообраќај. Во градот се ангажирани повеќе од илјада припадници на погранично-ренџерските единици од областите на пакистанскo-авганистанската граница. Властите се надеваат дека присуството на војниците ќе помогне за стабилизирање на ситуацијата.Карачи неодамна беше сцена на многу пресметки меѓу криминални групи и спротивставените  политички групации и движења. На улиците на 15-милионската метропола најчесто жртви се членовите на завојуваните страни, а особено припадниците на „Авами нејшнл парти“ (Националната народна партија) којашто ги претставува Паштуните, а на спротивната страна од неа е движењето „Мутахида коми мувмент“, која ги обединува припадниците на заедниците кои го говорат урду јазикот, бегалци од Индија и нивните потомци.Чести се судирите меѓу етничките групи, чиј интензитет се зголемува од година во година. Политичките групации инаку веќе подолго време одржуваат во своите редови и вооружени парамилитантни групи.Мухаџирите (преведено од урду јазикот „бегалци“), чиишто семејства се доселиле во Карачи по поделбата на Британска Индија во 1947 година, кои ги обвинуваат Паштуните дека „организираат мафија“ и со гангстерски методи ја држат контролата врз трговијата и градежништвото во градот. Мухаџирите, исто така, се загрижени што во паштунската заедница се сé популарни идеите што ги шири радикалното исламистичко движење – талибаните. Од друга страна, Паштуните тврдат дека се дискриминирани по етничка основа, и тие не можат да добијат добра работа и да имаат нормални животни услови./крај/ро/сн