Свет
Мулен бара прецизна одлука за повлекувањето на војниците од Ирак

Началникот на здружениот генералштаб на армијата на САД на заминување, адмиралот Мајкл Мулен побара побрзо решавање на статусот на американските сили во Ирак.
Началникот на здружениот генералштаб на армијата на САД на заминување, адмиралот Мајкл Мулен побара побрзо решавање на статусот на американските сили во Ирак.Ирак мора да одлучи дали сака американските војници да останат во земјата или да ја напуштат оваа блискоисточна земја, почнувајќи од декември 2011 година, смета адмиралот Мајкл Мулен предупредувајќи дека секое одложување претставува закана за безбедното и непречено повлекување на војниците, пренесува Associated Press. Исто така, Мулен рекол и дека САД мора да одлучат дали сакаат или не да ги остават своите војници на ирачка почва и по истекот на 2011 година. „Сега е времето. Мораме да знаеме. Сега навистина ни е потребна таквата одлука“, рече Мулен, кој пристигна во градот Мосул, во северниот дел на Ирак, по дводневната посета на Авганистан. Мулен се сретна со ирачкиот премиер Нури ал-Малики, кој во неколку наврати побара од САД да се придржува до рокот за повлекување на своите војници од земјата.САД во Ирак имаат уште 47 илјади војници, кои треба да се повлечат до крајот на годината врз основа на договорот од ноември 2008 година, што го потпишаа Вашингтон и Багдад. САД извршија инвазија врз Ирак во 2003 година поради уништување на оружјето за масовно уништување со коешто наводно располагаше армијата на ирачкиот диктатор Садам Хусеин. Досега докази за постоење на ваквото оружје не се пронајдени. Исто така, меѓународната воена коалиција предводена од САД во Ирак се судри со радикалните исламистички групи кои тесно се поврзани со глобалната терористичка организација Ал Каеда.Според британската анкетна групација Opinion Research Business, за овие години на војна во Ирак, загинале повеќе од милион Ирачани./крај/ро/ап/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин денеска изјави дека преговорите со САД во Алјаска биле „многу искрени и содржајни“

Рускиот претседател Владимир Путин денеска изјави дека преговорите со САД во Алјаска биле „многу искрени и содржајни“ и ги приближиле двете страни до донесување на неопходните одлуки.
– Разговорот беше многу отворен и по мое мислење нѐ доближува до потребните решенија, рече Путин на состанок во Кремљ посветен на резултатите од преговорите во Анкориџ.
Тој додаде дека долго време не биле водени преговори од ваков вид на толку високо ниво и дека имал можност „смирено и детално“ да ја изложи руската позиција. Според него, се дискутирало за сите аспекти на билатералната соработка, но главниот акцент бил ставен на можностите за праведно решавање на украинската криза.
На состанокот во Кремљ присуствуваа премиерот Михаил Мишустин, претседателот на Државната дума Вјачеслав Володин, раководителот на претседателската администрација Антон Вајно, како и секретарот и заменик-претседателот на Советот за безбедност Дмитриј Медведев и Сергеј Шојгу. Присуствуваа и вицепремиери, министри, како и гувернерката на Централната банка, претставници на ФСБ, Генералштабот и Рускиот фонд за директни инвестиции.
Путин најави дека детално ќе ги информира учесниците за разговорите со американскиот претседател Доналд Трамп. Состанокот во Кремљ продолжи зад затворени врати.
Регион
Црна Гора се бори со пожари

Седми ден по ред пожарите во Црна Гора не стивнуваат, а најкритично е во Подгорица, каде што и покрај тоа што ситуацијата е под контрола.
Началникот на Дирекцијата за цивилна заштита и намалување на ризици од катастрофи, Љубан Тмушиќ, соопшти дека најзагрозени области се Пипери и Кучки Корита. – Во овие подрачја се ангажирани сите расположливи ресурси – 12 возила и 42 пожарникари, рече Тмушиќ.
Посебна закана претставуваат и таканаречените „подземни пожари“ кои се активираат со пораст на температурите.
Во гаснењето се вклучени и армијата, како и помош од странство – Србија испрати хеликоптер, а вчера пристигна и швајцарски тим со 26 пожарникари и четири специјализирани возила. Поддршка дава и хеликоптер од Чешка.
Свет
(Видео) Четворица маскирани напаѓачи ограбија златарница во западниот дел на Сиетл

Четворица маскирани напаѓачи ограбија златарница во западниот дел на Сиетл и за помалку од две минути украдоа накит и луксузни предмети во вредност од околу два милиона долари, соопшти полицијата.
Настанот се случил во четвртокот попладне, а надзорните камери снимија како осомничените со чекани ги разбиваат заклучените стаклени врати и за 90 секунди празнат шест витрини. Меѓу украдените предмети се наоѓаат и „Ролекс“ часовници со проценета вредност од 750.000 долари и смарагдна огрлица вредна 125.000 долари, објави Еј-Би-Си њуз.
За време на грабежот, еден од напаѓачите им се заканувал на вработените со спреј против мечки и електрошокер, но никој не бил повреден.
„Длабоко сме потресени како вработени. Продавницата ќе биде затворена извесно време“, изјави потпретседателот на семејната златарница Џош Минаше.
Полицијата пристигнала веднаш по дојавата, но сторителите веќе избегале со возило и засега се недостапни за законот.