Свет
Американците во 2010-та волонтирале над 8 милијарди часови

Повеќе од 60 милиони американци волонтирале во своите заедници во текот на 2010 година вкупно 8.1 милијарди часови а вредноста на нивниот труд се проценува на 173 милиони долари, соопшти компанијата CNCS (Corporation for National and Community Service).
Повеќе од 60 милиони американци волонтирале во своите заедници во текот на 2010 година вкупно 8.1 милијарди часови а вредноста на нивниот труд се проценува на 173 милиони долари, соопшти компанијата CNCS (Corporation for National and Community Service).Без оглед на тоа дали станува збор за доброволно собирање пари, помош по природни катастрофи, помош во работа или учењето на учениците или студентите, доброволна обука за работа, волонтерите секој на свој начин придонесле во своите заедници, се наведува во извештајот. И покрај тоа што процентот доброволна работа во однос на минатата година се намалила со 26,8 на 26,3 отсто, бројот на доброволно одработени часови останал ист, што значи дека многу доброволци минале повеќе време волонтирајќи. „Волонтери од сите возрасти секојдневно одвојуваат слободно време и талент за да помогнат во решавањето на разни проблеми и да ја направат нашата земја посилна“, изјави директорот на CNCS,Најсилна волонтерска заедница има во градот Минеаполис во кој дури 37,1 отсто од жителите волонтираат. Следни на овој список се Портланд, Солт лејк сити, Сиетл и Рочестер. На ниво на сојузни држави, најмногу за заедницата придонесува населението на Јута, потоа на Ајова, Минесота, Небраска и Јужна Дакота. Лицата родени меѓу 1965 и 1981 година попознати како „генерација икс“, волонтираат повеќе од кога и да е досега – 2.3 милијарди часови во текот на 2010 година, што е за 110 ,милион работни часови повеќе отколку претходната година./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Хамас сака независна држава со Ерусалим како главен град

Палестинските милитантни групи предводени од Хамас денес изјавија дека отпорот нема да заврши сè додека не заврши окупацијата и не се воспостави независна, целосно суверена држава со Ерусалим како главен град, одговарајќи на таканаречената „Њујоршка декларација“.
„Њујоршката декларација“, подготвена од Франција и Саудиска Арабија, копретседателите на конференцијата, и поддржана од 15 други земји (вклучувајќи ги Бразил, Канада, Турција, Јордан, Катар, Египет и Велика Британија), како и Европската унија и Арапската лига, повикува на прекин на војната во Газа и постигнување на „праведно, мирно и трајно решение за израелско-палестинскиот конфликт врз основа на спроведување на решение за две држави“.
Во овој контекст, тие земји нагласуваат дека „управувањето, спроведувањето на законот и безбедноста на целата палестинска територија мора да бидат единствена одговорност на Палестинската самоуправа, со соодветна поддршка“.
Овие изјави ги одразуваат обврските што палестинскиот претседател Махмуд Абас ги презеде во јуни во подготовка за оваа конференција и во перспектива на убедување на повеќе земји да признаат палестинска држава. Иако Генералното собрание на ОН никогаш не го осуди нападот на Хамас од 7 октомври 2023 година, што доведе до израелска одмазда во Газа, текстот го осудува нападот.
Свет
Трамп: Мировен договор за Украина мора да се постигне до 8 август

Американскиот претседател, Доналд Трамп, изјави дека очекува договор за завршување на руската војна во Украина да се постигне најдоцна до 8 август, соопштија денеска САД пред Советот за безбедност на Обединетите нации.
„И Русија и Украина мора да преговараат за прекин на огнот и траен мир. Време е за постигнување договор. Претседателот Трамп јасно стави до знаење дека тоа мора да се случи до 8 август. САД се подготвени да преземат дополнителни мерки за да го обезбедат мирот“, изјави високиот американски дипломат Џон Кели пред Советот.
Трамп пред два дена најави дека САД ќе почнат да воведуваат царини и други мерки кон Русија за 10 дена, доколку Москва не покаже напредок кон завршување на војната во Украина. Киев и Москва досега одржаа три рунди разговори во Истанбул, кои резултираа со размена на затвореници и тела, но без конкретен напредок во смирувањето на војната што трае речиси три и пол години.
Заменикот на рускиот амбасадор во ОН, Дмитриј Пољански, порача дека Русија планира да ги продолжи преговорите во Истанбул, но се пожали дека „на Запад и понатаму постои страна што ја поддржува војната“.
„Сè уште ги слушаме гласовите на оние кои сметаат дека дипломатијата е само начин да се критикува Русија и да се врши притисок врз неа“, рече Пољански.
Заменичката на украинскиот амбасадор во Обединетите Нации, Кристина Хајовишин, истакна дека Русија мора да се соочи со „единство, решителност и акција“.
„Бараме сеопфатен, праведен и траен мир заснован на принципите на Повелбата на ОН – и ништо помалку. Повторуваме дека целосно, итно и безусловно примирје е клучно. Тоа е првиот чекор кон запирање на руската агресија врз Украина“, рече таа пред Советот за безбедност.
Свет
Забележана рекордна молња, во должина од Париз до Венеција

Светската метеоролошка организација (WMO) денес објави дека регистрирала рекордно долг удар на молња од 829 километри во САД. Молња удрила на 22 октомври 2017 година за време на грмотевици, пишува Франс Прес.
„Се протегала од Источен Тексас до Канзас Сити, покривајќи растојание еднакво на она помеѓу Париз и Венеција“, соопшти организацијата.
Комитет составен од единаесет научници од САД, Бразил, Германија, Шпанија, Израел и Непал го потврди тој рекорд.
Претходно беше задржан од удар на гром долг 768 километри од април 2020 година, исто така во САД, помеѓу Мисисипи и Тексас.
Блесокот на гром што се гледа денес „не беше откриен за време на првичната анализа на бурата во 2017 година, туку беше откриен за време на повторената проценка“, велат метеоролозите.