Околу 18 илјади љубители на борбите со бикови во неделата навечер во Барселона присуствуваа на последната корида што се одржа во Каталонија, пред да стапи на сила законот со кој поради злоставување на животните се забранува оваа повеќевековна традиција.

Околу 18 илјади љубители на борбите со бикови во неделата навечер во Барселона присуствуваа на последната корида што се одржа во Каталонија, пред да стапи на сила законот со кој поради злоставување на животните се забранува оваа повеќевековна традиција. Тројца шпански матадора во текот на борбата во славната арена „Монументал“ усмртија осум бикови, а последниот смртоносен удар го зададе 28-годишниот каталонски матадор Серафин Марин, роден во Барселона, со што симболично беше ставен крајот на  борбата со бикови во северозападната полуавтономна шпанска к=покраина, пренeсува AFP.Забраната за борба и убивање бикови беше донесена минатата година во каталонскиот парламент, откако 180 илјади Каталонци ја потпишаа петицијата со која се бараше запирање на традиционалната корида. Збраната стапува на сила на 1-ви јануари, а неделната корида во арената „Монументал“, којашто во Барселона, главниот град на Каталонија е отворена во 1914 година, е последната во покраината.Влезниците за последната корида беа распродадени со рекордна брзина, иако масовни посети на „Монументал“ последните години беа вистинска реткост, што и помогна при изгласувањето на забраната.Освен борбата против злоставувањето и правата на животните, една од причините за носењето на забраната беше и желбата на каталонските сепаратисти да покажат дека се поинакви од остатокот на Шпанија, и не е автохтона каталонска манифестација. Коридата во Шпанија, инаку, е забранета уште и на Канарските острови. Противниците на борбата со бикови велат дека ќе се обидат да ја прошират забраната и низ целата земја, но во традиционалните центри на коридата, во покраините како што е Андалузија, ќе наидат на голем отпор. Поддржувачите на коридата, пак, ги отфрлаат обвинувањата за свирепост кон животните и велат дека борбите со бикови се дел од културно-историското наследство, па така мора законски да се заштитат и зачуваат. /крај/афп/сн