Свет
Зачувување на матични клетки од масно ткиво
Светската банка за матични клетки Cryo-Save ја лансира својата нова услуга вo Соединетите Американски Држави, Cryo-Lip која што нуди можност за зачувување на матични клетки од масно ткиво.
Светската банка за матични клетки Cryo-Save ја лансира својата нова услуга вo Соединетите Американски Држави, Cryo-Lip која што нуди можност за зачувување на матични клетки од масно ткиво.
„Така зачуваните матични клетки од масно ткиво се процесираат во високо специјализирани и ФДА – акредитирани ткивни банки во Индијанополис. Ткивото и клетките се чуваат со години или децении, сè до оној момент кога ќе бидат вратени назад за повторно вбризгување по барање на клиентот. Оваа услуга најголема примена наоѓа во пластичната хирургија, како и за козметички проблеми од типот на подмладување на лицето и корекција на градите“ соопштуваат од Светската банка за матични клетки.
Според податоците на оваа компанија, користењето на сопственото масно ткиво на пациентите за козметички корекции, во 2009 и 2010 година е зголемено за 27 отсто, бидејќи води кон замена на синтетските производи со природно ткиво.
Cryo-Save како водечка интернационална семејна банка за матични клетки, веќе има зачувано повеќе од 185.000 примероци од крв и ткиво од папочна врвца од новороденчиња и масно ткиво на возрасни.
Cryo-Save е присутна во Македонија преку компанијата Би-МЕК која што оперира на пазарот веќе пет години. /крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.