Силите на либискиот Национален преоден совет (NTC)соопштија дека во четвртокот го освоиле Сирт, родниот град на соборениот водач на либиската Џамахирија, полковникот Моамер ел-Гадафи, и по два месеца го совладале и последниот посилен отпор на силите лојални на полковникот.

Силите на либискиот Национален преоден совет (NTC)соопштија дека во четвртокот го освоиле Сирт, родниот град на соборениот водач на либиската Џамахирија, полковникот Моамер ел-Гадафи, и по два месеца го совладале и последниот посилен отпор на силите лојални на полковникот. „Сирт е ослободен. Таму веќе нема сили на Гадафи. Сега ги ловиме неговите борци кои се обидуваат да избегаат“, изјавил полковникот Јунус ал-Абдали, кој раководеше со операцијата во источниот дел од градот.Друг командант на востаничките сили потврдил дека градот е во рацете на Советот, а неговите борци со притиснати свирки од возилата крстосуваат низ улиците на Сирт честитајќи си едни на други. Во центарот на градот веќе е развиорено новото либиско знаме. Меѓутоа, како што пренесуваат агенциите, многу војници сé уште се нервозни а на новинарите им е забрането да дојдат до позициите кои до утрово ги држеле силите ена Гадафи, бидејќи уште траат акциите за чистење на градот од заостанати борци. Како што објави Националниот преоден совет на Либија, околу 40 возила со лојалистите на Гадафи го напуштиле Сирт и се упатиле на запад. Со паѓањето на Сирт се смета дека сега владејачкиот Национален преоден совет може да започне со воспоставувањето на новиот демократски поредок на целата територија на Либија, онаков како што го најави.Сé уште не познато каде се крие Гадафи по кого има потерница до Меѓународниот кривичен суд поради убиства на цивили. Според една од претпоставките, најверојатно соборениот полковник престојува во либискиот дел од пустината Сахара. Тој владееше со Либија 42 години, а по протестите инспирирани од ткн „арапска пролет“ и нивното прераснување во оружено востание дефинитивно беше соборен од власта на 23-рт август, кога беше заземен главниот град Триполи.Борбите за Сирт траеја со седмици. Силите на Советот долго време го држеа градот под опсада, но нивните напади беа хаотични и одбивани со жесток отпор од лојалистите на Гадафи. А напредокот на крајот го овозможи и помошта од авијацијата на НАТО.Сирт пред војната имаше 75 илјади жители, од кои големо мнозинство избега од градот преку коридорот оставен во времето на опсадата за евакуација на цивилите. Според дописниците на странските агенции, овој некогаш убав град сега е целиот во урнатини од артилерискиот оган./крај/ро/сн