Поранешниот лидер на санданистичкото движење во Никарагва, Даниел Ортега надмоќно води на претседателските избори кои се одржаа во неделата, според првичните податоци коишто во недела ги соопшти изборната комисија во главниот град на земјата Манагва.

Поранешниот лидер на санданистичкото движење во Никарагва, Даниел Ортега надмоќно води на претседателските избори кои се одржаа во неделата, според првичните податоци коишто во недела ги соопшти изборната комисија во главниот град на земјата Манагва.Според овие податоци Ортега освоил 66 отсто од гласовите, додека најдобро пласираниот претставник на разединетата десница Фабио Гадеа само 25 отсто од гласовите. Поранешниот претседател на Никарагва, кандидатот на конзервативците Арнолдо Алеман е на третото место но само со 7 отсто од гласовите.Владејачката санданистичка партија уште ноќеска ја прослави победата и илјадници приврзаници на Даниел Ортега ги преплавија улиците на престолнината Манагва.Поранешниот герилец 65-годишниот Ортега, кој е инаку голем сојузник на претседателот на Венецуела, Уго Чавез, и претходно важеше за голем фаворит на претседателските избори, откако Врховниот суд на Никарагва донесе контроверзна одлука со кој му е дозволен да го заврши и вториот претседателски мандат во траење од пет години по ред, што е во спротивност со уставот на земјата. „Ова гласање ќе биде со голема поддршка на санданистичкиот фронт,бидејќи првпат се организираат избори без страв, во полза на санданизмот кој покажа способност да владее во мир“, изјави Ортега пред изборите предвидувајќи масовна излезност на гласачите. Околу 3,4 милиони избирачи постари од 16 години од најголемата но воедно и најсиромашна земја во Средна Америка, во неделата излегоа на првиот круг од претседателските избори кои се одвиваат под мониторинг на меѓународни набљудувачи, а најмногу од Европската унија и од Организацијата на американските држави. Луи Јанез, шефот на набљудувачката мисија на ЕУ кој во Никарагва испрати стотина набљудувачи во 15 окрузи и две автономни покраини, изјави оти забележал аномалии при гласањето. Данте Капуто, шефот на мисијата на Организацијата на американските држави, пак, пред новинарите изрази жалење што неговите екипи наишле на „тешкотии“ при пристапот до гласачките места, околу 20 отсто од 52-те места кои имале намера да ги посетат, недавајќи други информации. Портпаролката на досегашниот претседател Даниел Ортега, во понеделникот неофицијално ја прогласи неговата победа за трет мандат. Данил Ортега во периодот од 1984 до 1989 година веќе беше избран за прв претседател на Никарагва, откако левичарското движење на Сандинистите коешто го предводеше во 1979 година го собори режимот на диктаторот Анастасио Сомоза. По двата неуспеха во 1996 и 2011 година, Ортега кој во меѓувреме ја ублажи својата реторика, се врати на власта во 2007 година а својата популарност меѓу гласачите ја зголеми со комбинацијата на популизам и ориентацијата кон пазарното стопанство на што како водач на герилата порано остро се спротиставуваше./крај/афп/мф/сн