Свет
Британија: најголем штрајк на јавниот сектор по цела генерација

Речиси два милиона јавни службеници во Британија ноќеска на полноќ започнаа 24-часовен штрајк поради промените во пензискиот систем, кој се очекува да биде најголем по цела една генерација, јавува BBC.
Речиси два милиона јавни службеници во Британија ноќеска на полноќ започнаа 24-часовен штрајк поради промените во пензискиот систем, кој се очекува да биде најголем по цела една генерација, јавува BBC.
Синдикатот на јавните службеници повика на штрајк поради несогласувањата со плановите на владата да ги зголемат и давачките за пензиско осигурување и работните часови. Вчера државниот секретар Џорџ Озборн во своето „Есенско обраќање“ најави дека платите нема да се покачат за повеќе од еден процент во наредните години, а до 2026 година возраста за пензионирање ќе се качи на 67 години.
Училиштата, болниците, аеродромите, пристаништата и владините канцеларии нема да функционираат, а се очекува ширум земјата да се одржат преку 1.000 протестни собири. Од 27.100 државни училишта во Англија, 58 проценти се целосно затворени, а уште 13 проценти работат само делумно.
Британската влада веднаш излезе со став дека со штрајкот „нема да се постигне ништо“ и повика да продолжат преговорите.
„Додека траат разговорите, ги повикувам вработените во јавниот сектор самите добро да ја проучат нашата понуда, наместо слепо да ја слушаат реториката на синдикалните водачи. Тие и со промените ќе имаат пензиско осигурувања за какво малкумина од приватниот сектор можат да сонуваат“, изјави шефот на премиерскиот кабинет, Франсис Мод, кој штрајкот го нарече „неоправдлив и погрешен“.
Неговиот колега од владата, министерот за образование Мајкл Гоув, пак, истакна дека е „нефер и нереално“ тие да очекуваат даночните обврзници да ја плаќаат се поголемата сметка за пензиите на растечкиот јавен сектор.
Штрајкот не го поддржа ниту опозициската лабуристичка партија. Министерот за финансии во сенка, Рашел Ривс истакна дека самото организирање на штрајкот е знак дека синдикатот не успеал да постигне ништо.
„Но, сепак сметаме дека владата треба да им даде повеќе на нископлатените јавни работници. Ги разбираме зошто штрајкуваат – нивната плата ќе биде замрзната уште две години, а ќе се зголемат и даночните давачки“, вели тој.
Генералниот секретар на синдикатот Дејв Прентис призна дека неговиот синдикат ретко презема вакви дејствија, но јавните работници, претежно нископлатени жени, „биле изнервирани“ и сметаат дека со нив се постапува нефер.
„Ова е момент кога луѓето рекоа ‘доста е’ “, вели тој. /крај/bbc/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Украинците дигнаа во воздух два клучни руски моста

Украинските сили спроведоа генијална операција во која уништија два клучни моста на руска територија, користејќи евтини дронови за активирање на експлозиви што претходно биле поставени таму од самите руски сили. Мостовите во близина на границата со регионот Харков биле користени за снабдување на руските трупи, а Русите ги минирале како мерка на претпазливост во случај на ненадеен украински пробив, пишува CNN.
Уништувањето на клучната инфраструктура на сопствената територија за да се забави непријателот е вообичаена воена тактика. Самата Украина го направи ова на почетокот на инвазијата во февруари 2022 година, кога го забави рускиот напредок кон Киев со уништување на мостови и одбрана на главниот град. Сепак, овој пат Украинците ја насочија руската мерка на претпазливост против себе.
💥 The Russians mined a bridge in the Belgorod region, piling TM-62M anti-tank mines under the structure.
Ukrainian drone operators decided it was worth helping the Russians carry out their plan. The bridge exploded with festive fireworks. pic.twitter.com/cKGWGdAICM
— MAKS 25 🇺🇦👀 (@Maks_NAFO_FELLA) August 24, 2025
Членовите на 58-та Одделна моторизирана стрелачка бригада, кои ја спроведоа операцијата, за CNN изјавија дека забележале необична активност околу еден од мостовите.
„Стана јасно дека нешто се случува таму. Не можевме да летаме со обичен извидувачки дрон под мостот бидејќи сигналот едноставно ќе исчезнеше, па затоа летавме со дрон опремен со оптички влакна“, рече портпаролот на бригадата.
Снимките од дрон открија куп противтенковски мини и друга муниција скриена под мостот.
„Ги видовме мините и удривме“, додадоа тие. Видеото нагло се прекинува во моментот на ударот, додека друга камера од далечина покажува силна експлозија.
Украинците, исто така, проверија уште еден мост во близина. „Откривме дека и тој е миниран и удривме. Видовме можност и ја искористивме“, рече портпаролот на бригадата.
Портпаролот на бригадата потврди за CNN дека дроновите што се користеле во нападот чинеле помеѓу 600 и 725 долари, што ја прави операцијата исклучително исплатлива. Рушењето на мост вообичаено бара скапа водечка муниција испукана од софистицирани системи како што се ракетни лансери или авиони.
Свет
Израелска армија: Подготвени сме да ја започнеме офанзивата врз Газа

Израелската армија спроведува подготвителни операции во предградијата на градот Газа, објави денес портпаролот на Израелските одбранбени сили (ИДФ) Авичај Адрае, сигнализирајќи дека Израел е подготвен да започне офанзива насочена кон освојување на тој град на север од палестинската енклава.
„ИДФ работи многу интензивно во предградијата на Газа“, рече Адрае. Израел планира целосно да го окупира градот, иако претходно објави дека ќе премести речиси милион луѓе од него на југ од Појасот Газа.
„Ќе ги интензивираме нападите“, додаде портпаролот, нагласувајќи дека целта на операцијата е да се ослободат сите заложници и да се елиминира палестинската милитантна група Хамас.
Жителите потврдија за агенцијата ДПА дека армијата денес ги интензивирала нападите врз Газа. Најмалку 48 лица беа убиени, вклучувајќи 20 во северна Газа, соопштија медицински извори.
Фото: ЕПА
Свет
Калас: На Украина ѝ е потребна сета можна воена поддршка

Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.