Најмалку 52 Авганистанци ги загубија животите во две одделни експлозии што во вторникот наутро одекнаа во авганистанскиот главен град Кабул и во северниот град Мазар-и-Шариф

Најмалку 52 Авганистанци ги загубија животите во две одделни експлозии што во вторникот наутро одекнаа во авганистанскиот главен град Кабул и во северниот град Мазар-и-Шариф, кога шиитскита муслимани го одбележуваа празникот Ашура со кој ја одбележуваат смртта на на третиот шиитски имам, имам Хусеин, внукот на пророкот Мухамед.Во вторникот, една бомба експлодираше во центарот на Кабул, каде што шиитите се собраа да го одбележат денот на Ашура, јави AFP. Во овој напад загинаа најмалку 48 лица, вклучувајќи и деца, а стотина се ранети.Портпаролот на полицијата во Кабул, Хашматулах Станекзаи, изјави дека експлозијата се случила во светилиштето Абу Фазел, каде што шиитските верниците ги извршувале своите траорни ритуали.Малку подоцна утрово, во одделен инцидент, загинаа четворица Авганистанци, меѓу кои еден војник, во експлозија на бомба оставена на велосипед во близина на џамија во северниот град Мазар-и-Шариф во провинцијата Балк.Милиони шиитски муслимани од целиот свет одржуваат траорни ритуали во чест на имамот Хусеин, внукот на пророкот Мухамед, и многу нему лојални следбеници кои биле убиени во битката за светиот град Карбала во Ирак, пред 1.300 години.Имамот Хусеин и неговиот брат Абаз и нивните 70 приврзаници се убиени во 680 г. во Карбала во битка со војниците на Омајадскиот калиф Јазид. Жените и сестрите на убиените од војниците на Јазид ги земале со нив во Дамаск. Таму, на калифот заедно со нив му била донесена и главата на  Хусеин. На 40-от ден по смртта на имамот Хусеин, неговата сестра Зејинаб се вратила во Карбала од Дамаск, носејќи ја со себе главата на нејзиниот брат која ја закопала во неговиот гроб.Денес, како и пред 13 века во периодот од 20-ти до 25-ти јануари секоја година, мнозинството шиити за кои смртта на Хусеин е симбол на мачеништвото за верата, се борат против неправдата, тиранијата и угнетувањето, на истиот начин својата почит како и Зејинаб ја искажуваат одејќи пеш до Карбала.Во вторникот, шиитски муслимански верници почнаа со славењето на празникот Ашура, годишнината од смртта на имамот Хусеин, внукот на пророкот Мухамед. Во муслиманската традиција, на денот на Ашура верниците се потсетуваат на најзначајните настани од религиозна историја на муслиманите: создавањето на небесата, земјата и морето, раѓањето на Адем (Адам); излегувањето на пророкот Нух (Ное) од ковчегот; одлуката на пророкот Ибрахим (Авраам) да го жртвува својот син Исмаил (во библиска традиција – Исак), ставање крај на страдањето на пророкот Ајуб (Јов); спасението на Муса (Мојсеј). На овој ден, шиите организираат процесии во кои учесниците се удираат со тупаници во градите како и нанесувајќи си повреди со удари со синџири и со остри предмети. Самоказнувањето е персонификација на посветување на верните, еден вид барање искупување за вината за неуспехот да се заштити од смртта имамот Хусеин. Празнувањето на празникот Ашура во последните неколку години го одбележија со крвави терористички напади. На пример, во Ирак на овој ден речиси традиционално се извршуваат напади од сунитите против шиитите. Во моментов, речиси 99 отсто од населението на Авганистан и’ припаѓа на исламската вероисповед, а три четвртини се сунити, додека 25 отсто се шиити./крај/афп/мф/сн