Свет
Бројот на жртвите од труењето со алкохол во Индија достигна 167

Бројот смртни случаи од труењето со фалсификуван алкохол во источна Индија се зголеми на 167 луѓе, пишува во петокот весникот Times of India.
Бројот смртни случаи од труењето со фалсификуван алкохол во источна Индија се зголеми на 167 луѓе, пишува во петокот весникот Times of India.Во болниците уште се хоспитализирани повеќе од 340 отруени од фалсификуваниот алкохол. Локалните власти веќе го нарекоа овој случај најмасовниот на алкохолно труење со фалсификувани пијалаци во историјата на Индија.Трагедијата се случи откако алкохолот произведeн во домашни услови бил точен во евтини барови во близина на железничката станица во градот Сингрампур на 50 километри од главниот град на сојузната индиска држава Западен Бенгал – Калкута. Првиот смртен случај од отровниот алкохол беше регистриран во средата наутро, а потоа бројот на жртвите рапидно се зголемува.Како што соопшти претставник на локалното одделение за здравство, причината за смртта е труење со метил. Повеќето отруени се работници, возачи на рикши и сиромашни селани.Според извештаите на медицинските власти во локалниот печат, меѓу починатите имало и деца а во четвртокот починало осумгодишно момче. Пред да почине, тоа рекло дека побарало чаша вода во барот. Можно е чашата во којашто му била дадена водата, да не била добро измиена од многу отровниот алкохол, сметаа лекарите. Потоа од истите причини починало уште едно дете, на 10-годишна возраст.Локалната полиција уапсила десет лица кои се осомничени за производството и продажбата на фалсификуваниот алкохол во регионот. Гневната толпа од локалните жители го уништила и запалила локалот во кој луѓето биле отруени.Властите објавија дека семејствата на жртвите ќе добијат финансиска помош од владата на државата во износ од 200 илјади рупии (околу четири илјади американски долари). Во регионот е испратен и голем медицински тим од административниот центар Калкута.Главната министерка на државата Западен Бенгал, Мамата Банерџи, изјави дека властите ја преземале истрагата за несреќата. Таа, исто така, соопшти дека властите имаат намера да преземат жестоки казнени мерки за производителите на фалсификувани алкохоли./крај/ти/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Хамас ги повика медијаторите да ги забрзаат следните фази од договорот за Газа

Хамас денеска ги повика медијаторите да ги забрзаат следните фази од договорот за прекин на огнот во Газа, вклучувајќи го отворањето на границата, почетокот на реконструкцијата, воспоставувањето администрација и повлекувањето на Израел.
Борбите во Газа во голема мера престанаа, според планот на американскиот претседател Доналд Трамп, кој го потпишаа медијаторите Египет, Катар и Турција.
Но, следните фази беа запрени, делумно поради обвинувањата од Израел дека милитантите биле премногу бавни во предавањето на телата на заложниците.
Израел вчера објави дека се подготвува повторно да го отвори граничниот премин Рафа со Египет, но не одреди датум, обвинувајќи го Хамас за кршење на примирјето. Неисполнетите елементи на планот се разоружувањето на милитантите и идната администрација на Газа.
Хамас соопшти дека останува посветен на договорот за прекин на огнот и предавањето на преостанатите тела, но дека тоа е процес што одзема време.
Регион
Автобус со работници се преврте кај Сремска Митровица, има жртви

Тешка сообраќајна несреќа се случи попладнево околу 14:30 часот на излезот од Сремска Митровица, кај поранешната фабрика „Матроз“, кога автобус на „Сирмиумбус“ што превезувал работници од фабрика се превртел на кров, јави Нова.рс.
Според првичните информации, најмалку две лица загинале, а повеќемина се повредени и се пренесени во Општата болница во Сремска Митровица. На местото на несреќата се полицијата и противпожарните служби, а сообраќајот е блокиран поради увидот.
Фотографии од местото на настанот покажуваат долги колони возила на патот Сремска Митровица – Јарак. Истрагата за причините е во тек.
Свет
ЕК: Секоја од нашите земји-членки може привремено да ја укине забраната за летови на авионот на Путин

Најавената средба меѓу претседателите на САД и Русија во Будимпешта е добредојдена ако може да доведе до праведен и траен мир во Украина, изјави денес портпаролот на Европската Комисија.
„Ја поздравуваме оваа средба ако помогне во постигнувањето на траен и праведен мир во Украина“, изјави портпаролот на Комисијата, Олоф Гил.
Претседателот на САД, Доналд Трамп, по телефонскиот разговор со рускиот претседател Владимир Путин објави дека двајцата ќе се сретнат во Будимпешта во следните две недели.
Во врска со логистичките прашања околу пристигнувањето на рускиот претседател во Будимпешта, Комисијата објасни дека секоја земја-членка може по исклучок да одобри отстапување од забраната за влез во европскиот воздушен простор за руски авиони.
Портпаролката на Комисијата, Анита Хипер, изјави дека како дел од санкциите против рускиот претседател Путин и министерот за надворешни работи Сергеј Лавров, средствата во ЕУ се замрзнати, но нема и забрана за влез на територијата на ЕУ.
Меѓународниот кривичен суд (МКС) издаде налог за апсење на Путин во 2023 година за воени злосторства поврзани со нелегалната депортација на украински деца.
Унгарија веќе беше домаќин на израелскиот премиер Бенјамин Нетанјаху во април оваа година, за кого МКС исто така издаде налог за апсење. После тоа, унгарската влада информираше дека се повлекува од тој суд.
Сепак, според статутот на МКС, Унгарија сè уште е должна да го уапси Путин бидејќи повлекувањето од судот стапува на сила една година откако генералниот секретар на ОН беше известен.
Во унгарскиот случај, тоа е јуни 2026 година.
Шефот на унгарската дипломатија, Петер Сијарто, денес изјави дека Будимпешта ќе обезбеди Путин непречено да влезе на нејзина територија со цел средба со Трамп и дека успешно ќе се врати во Русија.
фото:принтскрин